*తెల్లాపూర్ లో హైడ్రా అధికారుల క్షేత్రస్థాయి పరిశీలన
ప్రజా పిలుపు / తెలంగాణ / సంగారెడ్డి : వర్షాకాలాన్ని దృష్టిలో ఉంచుకుని నగర శివార్లలోని చెరువులు, వరద కాలువల పరిరక్షణపై హైడ్రా అధికారులు దృష్టి సారించారు. ఇందులో భాగంగా శనివారం పటాన్ చేరు సర్కిల్ పరిధిలోని పలు ప్రాంతాల్లో అధికారులు క్షేత్రస్థాయిలో పర్యటించి పరిస్థితులను పరిశీలించారు.తెల్లాపూర్లోని చెలికుంట, మేళ్లచెరువు తూములు, వరద కాలువలు (నాలాలు), వాటి బఫర్ జోన్ల సరిహద్దులను అధికారులు నిశితంగా పరిశీలించారు. చెరువుల ఎఫ్టీఎల్ పరిధి, బఫర్ జోన్లలో జరుగుతున్న అక్రమ నిర్మాణాలను గుర్తించేందుకు ప్రత్యేక దృష్టి సారించారు. నిబంధనలకు విరుద్ధంగా ఆక్రమణలకు పాల్పడినా, అక్రమ నిర్మాణాలు చేపట్టినా చట్టపరమైన చర్యలు తప్పవని హెచ్చరించారు.వర్షపు నీరు ఎటువంటి ఆటంకం లేకుండా సాఫీగా వెళ్లేలా వరద కాలువల్లో పూడికతీత చేపట్టడం, అడ్డంకులను తొలగించడం వంటి చర్యలపై సంబంధిత అధికారులకు స్పష్టమైన దిశానిర్దేశం చేశారు. వర్షాకాలంలో వరద ముప్పు తలెత్తకుండా ముందస్తు జాగ్రత్తలు తీసుకోవాలని సూచించారు.
Admin
ప్రజా పిలుపు
మరిన్ని వార్తలు
Developed By :
