బాలాపూర్ లడ్డూ రూ.39 లక్షలకు సొంతం చేసుకున్న సామ ప్రణీత్ రెడ్డి
ప్రజా పిలుపు / తెలంగాణ / హైద్రాబాద్ : బాలాపూర్: హైదరాబాద్ నగరంలోని బాలాపూర్లో ప్రతిష్ఠాత్మకంగా నిర్వహించిన గణేశుడి లడ్డూ వేలం శుక్రవారం ఉత్కంఠభరితంగా సాగింది. ఈ ఏడాది బాలాపూర్ లడ్డూ రూ.39 లక్షల రికార్డు ధర పలికింది. వనస్థలి పురంలోని సాహెబ్నగర్కు చెందిన సామ ప్రణీత్ రెడ్డి రూ.39 లక్షలకు లడ్డూను సొంతం చేసుకున్నారు.వినాయక చవితి ఉత్సవాల్లో ప్రత్యేక ఆకర్షణగా నిలిచే బాలాపూర్ లడ్డూకు ఏటా భారీ డిమాండ్ ఉంటుంది. 32 ఏళ్లుగా కొనసాగుతున్న ఈ వేలం ప్రక్రియలో ఇప్పటివరకు వ్యక్తులే పాల్గొంటూ వచ్చారు. అయితే ఈసారి తొలిసారిగా కంపెనీలు కూడా వేలంలో పాల్గొనడం ఆసక్తికరంగా మారింది.ఈ ఏడాది బాలాపూర్ లడ్డూ వేలంలో మొత్తం 9 మంది దరఖాస్తుదారులు పాల్గొనగా, వారిలో 5 కంపెనీలు ఉండటం విశేషం. వ్యక్తులతో పాటు కంపెనీలు కూడా పోటీకి రావడంతో వేలంపై మరింత ఉత్కంఠ నెలకొంది. చివరకు సామ ప్రణీత్ రెడ్డి రూ.39 లక్షలకు లడ్డూను దక్కించుకున్నారు.బాలాపూర్ లడ్డూ వేలం ప్రతిసారి ప్రత్యేక ఆకర్షణగా నిలుస్తుండగా, ఈసారి రూ.39 లక్షల ధర పలకడంతో మరోసారి చర్చనీయాంశంగా మారింది.
Admin
ప్రజా పిలుపు
మరిన్ని వార్తలు
Developed By :
