అంబేద్కర్ సాక్షిగా హెచ్చరిక...తాతా మధు వ్యాఖ్యలపై పటాన్చెరులో నిరసన
దళిత స్పీకర్పై అవమానకర వ్యాఖ్యలు సహించం: ఆదిత్యరెడ్డి
ప్రజా పిలుపు / తెలంగాణ / సంగారెడ్డి : పటాన్చెరు, సెప్టెంబర్ 8: రాజ్యాంగబద్ధ పదవిలో ఉన్న దళిత స్పీకర్ను కించపరిచేలా తాతా మధు చేసిన వ్యాఖ్యలను నిరసిస్తూ పటాన్చెరులో కాంగ్రెస్ నాయకులు, కార్యకర్తలు ర్యాలీ నిర్వహించారు. మంగళవారం పటాన్చెరు డివిజన్లోని గాంధీ విగ్రహం నుంచి అంబేద్కర్ విగ్రహం వరకు ర్యాలీ కొనసాగింది.ఈ సందర్భంగా తెలంగాణ యూత్ ప్రోటోకాల్ చైర్మన్ ఆదిత్యరెడ్డి మాట్లాడుతూ రాజ్యాంగబద్ధ పదవులకు గౌరవం ఇవ్వడం ప్రతి ఒక్కరి బాధ్యత అన్నారు. దళిత స్పీకర్పై అవమానకర వ్యాఖ్యలు చేయడం ప్రజాస్వామ్య విలువలను అవమానించడమేనని పేర్కొన్నారు. తాతా మధు వెంటనే బహిరంగంగా క్షమాపణ చెప్పాలని డిమాండ్ చేశారు.దళితుల ఆత్మగౌరవాన్ని కించపరిచే వ్యాఖ్యలను ఎట్టి పరిస్థితుల్లోనూ సహించబోమని ఆదిత్యరెడ్డి స్పష్టం చేశారు. రాజకీయాల్లో వ్యక్తిగత విమర్శలకు కూడా హద్దులు ఉండాలని, రాజ్యాంగ పదవులను గౌరవించడం అందరి బాధ్యత అని అన్నారు.కార్యక్రమంలో సంగారెడ్డి జిల్లా మహిళా కాంగ్రెస్ అధ్యక్షురాలు కాట సుధా శ్రీనివాస్ గౌడ్, పటాన్చెరు నియోజకవర్గ వ్యవసాయ మార్కెట్ కమిటీ చైర్మన్ యేపూరి శివానందం, నియోజకవర్గ కాంగ్రెస్ నాయకులు, కార్యకర్తలు తదితరులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
