రూ.20 వేల లంచం డిమాండ్.. ఏసీబీకి చిక్కిన వ్యవసాయ అధికారి*
ప్రజా పిలుపు / తెలంగాణ / సంగారెడ్డి : సదాశివపేట నవంబర్ 03: సంగారెడ్డి జిల్లా సదాశివపేట పట్టణంలో అవినీతి నిరోధక శాఖ (ఏసీబీ) అధికారులు దాడులు నిర్వహించారు. మండల వ్యవసాయ శాఖ అధికారి రమేష్‌ను ఆయన కార్యాలయంలో ఏసీబీ అధికారులు పట్టుకున్నట్లు సమాచారం.ఒక పని పూర్తి చేసేందుకు వ్యవసాయ అధికారి రమేష్ రూ.20 వేల లంచం డిమాండ్ చేయడంతో బాధితుడు ఏసీబీ అధికారులను ఆశ్రయించినట్లు తెలిసింది. బాధితుడి ఫిర్యాదు మేరకు రంగంలోకి దిగిన ఏసీబీ అధికారులు పక్కా ప్రణాళికతో కార్యాలయంలో దాడులు నిర్వహించి అధికారిని పట్టుకున్నట్లు సమాచారం.ఈ ఘటన సదాశివపేట పట్టణంలో చర్చనీయాంశంగా మారింది. ప్రభుత్వ కార్యాలయాల్లో అవినీతికి తావులేకుండా చర్యలు తీసుకోవాల్సిన అవసరాన్ని ఈ ఘటన మరోసారి గుర్తుచేస్తోంది. ఘటనకు సంబంధించి ఏసీబీ అధికారులు విచారణ కొనసాగిస్తున్నట్లు తెలిసింది.
Admin
ప్రజా పిలుపు
మరిన్ని వార్తలు
Developed By :
