విద్యార్థులపై లాఠీచార్జ్ చేసిన పోలీసులపై చర్యలు తీసుకోవాలి
సీసీ ఫుటేజ్ ఆధారంగా చర్యలు తీసుకుంటామని హామీ ఇచ్చిన సీఐ లాలూ నాయక్
ప్రజా పిలుపు / తెలంగాణ / సంగారెడ్డి : పటాన్చెరు పోలీస్స్టేషన్లో విద్యార్థుల వినతిపత్రం.. జీవో 97ను రద్దు చేయాలని, పాలిటెక్నిక్ కళాశాలలను శక్తి (యంగ్ ఇండియా స్కిల్ యూనివర్సిటీ)లో విలీనం చేయవద్దని డిమాండ్ చేస్తూ పటాన్చెరు జాతీయ రహదారిపై రాస్తారోకో నిర్వహించిన ప్రభుత్వ పాలిటెక్నిక్ విద్యార్థులపై లాఠీచార్జ్ చేసిన పోలీసులపై చర్యలు తీసుకోవాలని విద్యార్థులు డిమాండ్ చేశారు.ఈ మేరకు పాలిటెక్నిక్ విద్యార్థులు పటాన్చెరు పోలీస్స్టేషన్లో ఆర్సీపురం సీఐ లాలూ నాయక్ను కలిసి వినతిపత్రం సమర్పించారు. రాస్తారోకో సందర్భంగా కొంతమంది పోలీసులు సివిల్ డ్రస్సులో విద్యార్థులపై లాఠీచార్జ్ చేశారని, తమపై అనవసరంగా దాడికి పాల్పడిన పోలీసులను గుర్తించి తగిన చర్యలు తీసుకోవాలని వారు సీఐని కోరారు.విద్యార్థులు సమర్పించిన వినతిపత్రాన్ని సీఐ లాలూ నాయక్ స్వీకరించారు. ఘటనకు సంబంధించిన సీసీ ఫుటేజ్లను పరిశీలించి, లాఠీచార్జ్కు పాల్పడిన పోలీసులను గుర్తిస్తామని విద్యార్థులకు హామీ ఇచ్చారు. సీసీ ఫుటేజ్ను ఆధారంగా చేసుకుని బాధ్యులైన వారిపై నిబంధనల ప్రకారం తగిన చర్యలు తీసుకుంటామని స్పష్టం చేశారు.ఇదిలా ఉండగా, జీవో 97 రద్దు చేయాలని, పాలిటెక్నిక్ను శక్తిలో విలీనం చేయవద్దని డిమాండ్ చేస్తూ విద్యార్థులు పటాన్చెరు జాతీయ రహదారిపై రాస్తారోకో నిర్వహించిన విషయం తెలిసిందే. విద్యార్థుల ఆందోళనతో పటాన్చెరు నుంచి ఇస్నాపూర్ వరకు భారీగా ట్రాఫిక్ స్తంభించింది. దీంతో పోలీసులు రంగంలోకి దిగి విద్యార్థులతో మాట్లాడి రాస్తారోకో విరమింపజేసేందుకు ప్రయత్నించారు. ఆందోళన సందర్భంగా చోటుచేసుకున్న లాఠీచార్జ్పై విద్యార్థులు తీవ్ర అభ్యంతరం వ్యక్తం చేశారు. తమ న్యాయమైన డిమాండ్ల కోసం శాంతియుతంగా నిరసన వ్యక్తం చేస్తున్న విద్యార్థులపై లాఠీచార్జ్ చేయడం సరికాదని వారు పేర్కొన్నారు. ఘటనకు బాధ్యులైన పోలీసులపై విచారణ జరిపి చర్యలు తీసుకోవాలని కోరారు.సీఐ లాలూ నాయక్ ఇచ్చిన హామీతో విద్యార్థులు తమ వినతిపత్రాన్ని అధికారులకు అందజేశారు. సీసీ ఫుటేజ్లను పరిశీలించి వాస్తవాలను నిర్ధారించిన అనంతరం బాధ్యులపై తగిన చర్యలు తీసుకుంటామని సీఐ హామీ ఇవ్వడంతో విద్యార్థులు అక్కడి నుంచి వెళ్లిపోయారు.
Admin
ప్రజా పిలుపు
మరిన్ని వార్తలు
Developed By :
