అసెంబ్లీ మెయిన్ గేట్ వద్ద ఎమ్మెల్యే గూడెం మహిపాల్ రెడ్డి అరెస్ట్
నల్ల షర్ట్‌తో అసెంబ్లీలోకి వెళ్లడంపై పోలీసుల అభ్యంతరం
ప్రజా పిలుపు / తెలంగాణ / హైద్రాబాద్ : .. హైదరాబాద్: అసెంబ్లీ మెయిన్ గేట్ వద్ద పటాన్చెరు శాసనసభ్యులు గూడెం మహిపాల్ రెడ్డిని పోలీసులు అరెస్ట్ చేశారు. నల్ల షర్ట్ ధరించి అసెంబ్లీలోకి రావడంపై పోలీసులు అభ్యంతరం వ్యక్తం చేయడంతో ఈ ఘటన చోటుచేసుకుంది.ప్రజాస్వామ్యబద్ధంగా నల్ల దుస్తులు ధరించి అసెంబ్లీకి వెళ్తున్న తనను అడ్డుకోవడంపై ఎమ్మెల్యే గూడెం మహిపాల్ రెడ్డి తీవ్ర ఆగ్రహం వ్యక్తం చేశారు. ప్రభుత్వం, పోలీసులు బీఆర్ఎస్ శాసనసభ్యుల పట్ల పాశవికంగా వ్యవహరిస్తున్నారని ఆయన మండిపడ్డారు.నల్ల దుస్తులు ధరించి అసెంబ్లీకి వెళ్తే తప్పేంటని ఎమ్మెల్యే జీఎంఆర్ పోలీసులను ప్రశ్నించారు. ప్రజాస్వామ్యంలో నిరసన తెలిపే హక్కు ప్రతి ఒక్కరికీ ఉందని, ఆ హక్కును అడ్డుకోవడం సరికాదని ఆగ్రహం వ్యక్తం చేశారు.అసెంబ్లీ ప్రధాన ద్వారం వద్ద పోలీసులు ఎమ్మెల్యేను అదుపులోకి తీసుకోవడంతో అక్కడ కొద్దిసేపు ఉద్రిక్త పరిస్థితులు నెలకొన్నాయి. బీఆర్ఎస్ ఎమ్మెల్యేలను అడ్డుకోవడంపై ఆ పార్టీ శ్రేణులు తీవ్ర నిరసన వ్యక్తం చేశాయి.
Admin
ప్రజా పిలుపు
మరిన్ని వార్తలు
Developed By :
