తాత్కాలిక టపాసుల దుకాణాలపై 18 శాతం జీఎస్టీ.. వ్యాపారుల ఆవేదన
ప్రజా పిలుపు / తెలంగాణ / సంగారెడ్డి : సంగారెడ్డి జిల్లా పటాన్‌చేరు పట్టణంలోని మైత్రీ మైదానంలో దీపావళి పండుగ సందర్భంగా మూడు రోజుల పాటు ఏర్పాటు చేసిన తాత్కాలిక టపాసుల దుకాణాల నిర్వాహకులకు జీఎస్టీ అధికారులు పలు సూచనలు చేశారు. టపాసుల విక్రయాలపై 18 శాతం జీఎస్టీ తప్పనిసరిగా చెల్లించాలని ఆదేశించినట్లు అధికారులు వెల్లడించారు.అయితే, కేవలం రెండు మూడు రోజుల పాటు తాత్కాలికంగా దుకాణాలు ఏర్పాటు చేసుకుని వ్యాపారం చేసుకునే తమపై 18 శాతం జీఎస్టీ భారం మోపడం అన్యాయమని టపాసుల దుకాణదారులు ఆవేదన వ్యక్తం చేస్తున్నారు. పండుగ సమయంలో స్వల్పకాలికంగా వ్యాపారం చేసుకునే తమకు ఈ నిబంధనల వల్ల ఆర్థిక భారం పెరుగుతోందని వాపోతున్నారు. తాత్కాలిక దుకాణదారుల పరిస్థితిని దృష్టిలో ఉంచుకుని జీఎస్టీ విషయంలో అధికారులు తగిన వెసులుబాటు కల్పించాలని వారు కోరుతున్నారు.
Admin
ప్రజా పిలుపు
మరిన్ని వార్తలు
Developed By :
