తెలంగాణలో అర్ధరాత్రి నుంచి ఆటో, క్యాబ్ల సమ్మె
ప్రజా పిలుపు / తెలంగాణ / హైద్రాబాద్ : హైదరాబాద్: తెలంగాణ రాష్ట్రవ్యాప్తంగా ఆటో, క్యాబ్ డ్రైవర్లు ఈ నెల 23వ తేదీ అర్ధరాత్రి నుంచి సమ్మెకు పిలుపునిచ్చారు. డ్రైవర్ల సమస్యలను పరిష్కరించాలని డిమాండ్ చేస్తూ చేపట్టనున్న ఈ సమ్మెతో ప్రయాణికులు, విద్యార్థులు ఇబ్బందులు ఎదుర్కొనే అవకాశం ఉంది.డ్రైవర్ల సంక్షేమాన్ని దృష్టిలో ఉంచుకుని ప్రభుత్వం తక్షణమే స్పందించాలని డ్రైవర్ల సంఘాలు డిమాండ్ చేస్తున్నాయి. ప్రతి ఏటా డ్రైవర్లకు రూ.12 వేల ఆర్థిక సహాయం అందించాలని, డ్రైవర్ల రక్షణ కోసం సంక్షేమ బోర్డు ఏర్పాటు చేయాలని కోరుతున్నాయి. అలాగే రాష్ట్రవ్యాప్తంగా సింగిల్ పర్మిట్ విధానాన్ని అమలు చేయాలని డిమాండ్ చేస్తున్నాయి.తమ న్యాయమైన డిమాండ్లను ప్రభుత్వం పరిష్కరించే వరకు సమ్మె కొనసాగిస్తామని డ్రైవర్ల సంఘాల ప్రతినిధులు స్పష్టం చేశారు. సమ్మె నేపథ్యంలో ప్రజలకు ప్రత్యామ్నాయ రవాణా సదుపాయాలపై ఆధారపడాల్సిన పరిస్థితి ఏర్పడే అవకాశం ఉంది.
Admin
ప్రజా పిలుపు
మరిన్ని వార్తలు
Developed By :
