వరాహి బాంకెట్ హాల్ ప్రారంభోత్సవం
విజయవంతం కావాలని ఆదిత్యరెడ్డి ఆకాంక్ష
ప్రజా పిలుపు / తెలంగాణ / సంగారెడ్డి : పటాన్‌చెరులోని మకుట అరుణ ఆర్కేడ్ కాంప్లెక్స్‌లో నూతనంగా ఏర్పాటు చేసిన వరాహి బాంకెట్ హాల్ ప్రారంభోత్సవం సోమవారం ఘనంగా జరిగింది. కాంప్లెక్స్‌లోని మూడో అంతస్తులో అత్యాధునిక హంగులతో, విశాలమైన ప్రాంగణంలో ఏర్పాటు చేసిన ఈ పూర్తి ఏసీ బాంకెట్ హాల్ ప్రారంభ వేడుకకు తెలంగాణ యూత్ ప్రోటోకాల్ చైర్మన్ ఆదిత్యరెడ్డి ముఖ్య అతిథిగా హాజరయ్యారు.ఈ సందర్భంగా బాంకెట్ హాల్ నిర్వాహకులకు ఆయన శుభాకాంక్షలు తెలియజేశారు. పుట్టినరోజు వేడుకలు, వివాహాలు, గృహప్రవేశాలు, ఇతర శుభకార్యాలు నిర్వహించుకునేందుకు వరాహి బాంకెట్ హాల్ చక్కని వేదికగా నిలుస్తుందని ఆకాంక్షించారు. ఆధునిక సౌకర్యాలు, విశాలమైన ప్రాంగణం, పూర్తి ఏసీ వసతితో అందుబాటులోకి వచ్చిన ఈ హాల్ పటాన్చెరు పరిసర ప్రాంతాల ప్రజలకు ఎంతగానో ఉపయోగపడుతుందని పేర్కొన్నారు.స్థానిక ప్రజల అవసరాలకు అనుగుణంగా ఇలాంటి ఆధునిక వసతులతో కూడిన వేడుకల ప్రాంగణాలు అందుబాటులోకి రావడం సంతోషకరమని అన్నారు. వరాహి బాంకెట్ హాల్ ప్రజాదరణ పొందుతూ, నిర్వాహకులకు మంచి పేరు తీసుకురావాలని, వ్యాపార రంగంలో మరింత అభివృద్ధి సాధించాలని ఆదిత్యరెడ్డి ఆకాంక్షించారు.
Admin
ప్రజా పిలుపు
మరిన్ని వార్తలు
Developed By :
