SIRకు ప్రతి ఓటరు సహకరించాలి
బలోపేతం చేస్తుందిఅర్హులందరూ తమ వివరాలను ధృవీకరించుకోవాలి– బీజేపీ 2వ వార్డు కౌన్సిలర్ చందా అశోక్ యాదవ్
ప్రజా పిలుపు / తెలంగాణ / సిద్దిపేట : ఎన్నికల సంఘం చేపట్టిన స్పెషల్ ఇంటెన్సివ్ రివిజన్ (SIR) కార్యక్రమానికి ప్రతి ఓటరు సంపూర్ణ సహకారం అందించాలని తూప్రాన్ మున్సిపాలిటీ 2వ వార్డు బీజేపీ కౌన్సిలర్ చందా అశోక్ యాదవ్ పిలుపునిచ్చారు. ఓటరు జాబితాను పారదర్శకంగా, ఖచ్చితంగా రూపొందించే ప్రక్రియలో ప్రజల భాగస్వామ్యం అత్యంత కీలకమని ఆయన పేర్కొన్నారు.శుక్రవారం మీడియాతో మాట్లాడుతూ ప్రజాస్వామ్యంలో ఓటు హక్కు అత్యంత విలువైనదని, ప్రతి అర్హుడి పేరు ఓటరు జాబితాలో తప్పనిసరిగా ఉండేలా చూసుకోవాల్సిన బాధ్యత అందరిపైన ఉందన్నారు. ఎన్నికల సంఘం సూచించిన నిబంధనల మేరకు ఇంటింటి సర్వే నిర్వహించే అధికారులు, బూత్ లెవల్ అధికారులు (బీఎల్ఓలు) అడిగే వివరాలను ప్రజలు సకాలంలో అందించి సహకరించాలని కోరారు.ఓటరు జాబితాలో పేరు లేని అర్హులు కొత్తగా నమోదు చేసుకోవాలని, ఇప్పటికే పేరు ఉన్న వారు తమ వ్యక్తిగత వివరాలు, చిరునామా, వయస్సు వంటి అంశాలను ఒకసారి పరిశీలించి అవసరమైతే సవరణలు చేసుకోవాలని సూచించారు. ఒకే వ్యక్తి పేరు ఒకటి కంటే ఎక్కువ చోట్ల ఉన్నట్లయితే వాటిని తొలగించే ప్రక్రియకు కూడా ప్రజలు సహకరించాలని తెలిపారు.ఓటరు జాబితా స్వచ్ఛంగా, ఖచ్చితంగా ఉండడం వల్ల ఎన్నికలు మరింత పారదర్శకంగా నిర్వహించే అవకాశం ఉంటుందని, అందుకే ప్రతి ఒక్కరూ బాధ్యతగా వ్యవహరించాలని అన్నారు. రాజకీయాలకు అతీతంగా ప్రతి పౌరుడు ఈ కార్యక్రమాన్ని విజయవంతం చేయడంలో భాగస్వామి కావాలని విజ్ఞప్తి చేశారు.అలాగే ఎలాంటి సందేహాలు ఉన్నా సంబంధిత బూత్ లెవల్ అధికారులు లేదా ఎన్నికల అధికారులను సంప్రదించి సరైన సమాచారం తెలుసుకోవాలని, అపోహలు, అసత్య ప్రచారాలను నమ్మవద్దని సూచించారు. స్పెషల్ ఇంటెన్సివ్ రివిజన్ కార్యక్రమం విజయవంతం కావాలంటే ప్రజల సహకారమే ప్రధానమని, ప్రతి ఓటరు తన ఓటు హక్కును పరిరక్షించుకునేందుకు ఈ అవకాశాన్ని సద్వినియోగం చేసుకోవాలని చందా అశోక్ యాదవ్ కోరారు.
Admin
ప్రజా పిలుపు
మరిన్ని వార్తలు
Developed By :
