వికారాబాద్‌లో ఉద్రిక్తత.. ఖర్గే దిష్టిబొమ్మ దహనానికి బీజేపీ యత్నం...పోలీసులు అడ్డుకోవడంతో బీజేపీ కార్యకర్తలు, పోలీసుల మధ్య తోపులాట
ఖర్గే బహిరంగ క్షమాపణ చెప్పాలి: బీజేపీ జిల్లా అధ్యక్షుడు రమేష్ కుమార్
ప్రజా పిలుపు / తెలంగాణ / వికారాబాద్ : ప్రధానమంత్రి నరేంద్ర మోదీపై కాంగ్రెస్ జాతీయ అధ్యక్షుడు మల్లికార్జున్ ఖర్గే చేసిన వ్యాఖ్యలను నిరసిస్తూ వికారాబాద్ జిల్లా కేంద్రంలో బీజేపీ నాయకులు, కార్యకర్తలు మంగళవారం భారీ నిరసన ప్రదర్శన నిర్వహించారు. పట్టణంలోని ప్రధాన రహదారిపై రాస్తారోకో చేపట్టి కాంగ్రెస్ పార్టీకి, ఖర్గేకు వ్యతిరేకంగా నినాదాలు చేశారు.ఈ సందర్భంగా మల్లికార్జున్ ఖర్గే దిష్టిబొమ్మను దహనం చేసేందుకు బీజేపీ శ్రేణులు ప్రయత్నించగా, పోలీసులు అడ్డుకున్నారు. దీంతో పోలీసులకు, బీజేపీ కార్యకర్తలకు మధ్య తోపులాట చోటుచేసుకుంది. ఈ పరిణామంతో అక్కడ కొద్దిసేపు ఉద్రిక్త వాతావరణం నెలకొంది.ఈ సందర్భంగా బీజేపీ జిల్లా అధ్యక్షుడు రమేష్ కుమార్ మాట్లాడుతూ.. ప్రపంచవ్యాప్తంగా ప్రధానమంత్రి నరేంద్ర మోదీకి పెరుగుతున్న ప్రజాదరణను చూసి ఓర్వలేకే కాంగ్రెస్ నాయకులు అనుచిత వ్యాఖ్యలు చేస్తున్నారని విమర్శించారు. దేశ ప్రధానిపై చేసిన వ్యాఖ్యలకు మల్లికార్జున్ ఖర్గే వెంటనే బహిరంగ క్షమాపణ చెప్పాలని డిమాండ్ చేశారు.కాంగ్రెస్ నాయకుల వైఖరిని ప్రజలు గమనిస్తున్నారని, రాబోయే రోజుల్లో వారికి తగిన బుద్ధి చెబుతారని హెచ్చరించారు.ఈ నిరసన కార్యక్రమంలో బీజేపీ జిల్లా, పట్టణ స్థాయి నాయకులు, మున్సిపల్ కౌన్సిలర్లు, పార్టీ కార్యకర్తలు పెద్ద సంఖ్యలో పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
