కాలనీవాసుల అవసరానికి స్పందన.. కొత్త కమాన్ ప్రారంభం*
రూ.1.50 లక్షలతో నిర్మాణం.. ప్రారంభించిన కాటా శ్రీనివాస్ గౌడ్
ప్రజా పిలుపు / తెలంగాణ / Nalgonda : ప్రజల అవసరాలకు అనుగుణంగా మౌలిక వసతుల కల్పనకు ప్రతి ఒక్కరూ ముందుకు రావాలని పటాన్చెరు నియోజకవర్గ ఇన్చార్జి కాటా శ్రీనివాస్ గౌడ్ అన్నారు. బీరంగూడ డివిజన్ పరిధిలోని బ్యాంక్ కాలనీ ఫేజ్-1లో కాలనీవాసుల సహకారంతో నూతనంగా నిర్మించిన కమాన్ను ఆయన, సంగారెడ్డి జిల్లా మహిళా కాంగ్రెస్ అధ్యక్షురాలు కాటా సుధా శ్రీనివాస్ గౌడ్తో కలిసి ప్రారంభించారు.కాలనీవాసుల కోరిక మేరకు సుమారు రూ.1.50 లక్షల వ్యయంతో ఈ కమాన్ను ఏర్పాటు చేశారు. దీని నిర్మాణానికి అమీన్పూర్ పట్టణ కాంగ్రెస్ అధ్యక్షుడు శశిధర్ రెడ్డి, మాజీ కౌన్సిలర్ లావణ్య శశిధర్ రెడ్డి దాతలుగా వ్యవహరించారు.ఈ సందర్భంగా కాటా శ్రీనివాస్ గౌడ్ మాట్లాడుతూ ప్రజా సమస్యల పరిష్కారంతో పాటు సేవా కార్యక్రమాల్లో శశిధర్ రెడ్డి ముందుండటం అభినందనీయమన్నారు. ప్రజల అవసరాలను గుర్తించి వాటి పరిష్కారానికి కృషి చేస్తున్న ఆయనను అభినందించారు. భవిష్యత్తులో మరింతగా ప్రజాసేవ చేసే అవకాశం లభించాలని ఆకాంక్షించారు.శశిధర్ రెడ్డి మాట్లాడుతూ ప్రజలకు అందుబాటులో ఉంటూ వారి సమస్యల పరిష్కారానికి నిరంతరం కృషి చేస్తానని తెలిపారు. బీరంగూడ డివిజన్ పరిధిలో ఎవరికి ఎలాంటి సమస్య ఎదురైనా తన దృష్టికి తీసుకువస్తే, పరిష్కారానికి తన వంతు సహకారం అందిస్తానన్నారు. ప్రజల అవసరాలకు అనుగుణంగా సేవా కార్యక్రమాలను కొనసాగిస్తానని పేర్కొన్నారు. కార్యక్రమంలో స్థానిక నాయకులు, కార్యకర్తలు, కాలనీవాసులు తదితరులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
