పటాన్‌చెరులోఘనంగా ప్రాచీన్ గ్లోబల్ హాస్పిటల్ ప్రారంభోత్సవ కార్యక్రమం
ప్రజా పిలుపు / తెలంగాణ / సంగారెడ్డి : సంగారెడ్డి జిల్లా పటాన్చెరు పట్టణంలో నూతనంగా నిర్మించిన ప్రాచీన్ గ్లోబల్ హాస్పిటల్ ప్రారంభోత్సవ కార్యక్రమం ఘనంగా నిర్వహించారు. ఈ కార్యక్రమానికి ముఖ్య అతిథిగా హాజరైన ఎంపీ రఘునందన్ రావు రిబ్బన్ కట్ చేసి, జ్యోతి ప్రజ్వలన నిర్వహించి ఆసుపత్రిని లాంఛనంగా ప్రారంభించారు. ఈ సందర్భంగా ఆసుపత్రి యాజమాన్యానికి శుభాకాంక్షలు తెలియజేశారు.అనంతరం ఎంపీ రఘునందన్ రావు మాట్లాడుతూ, ప్రజలకు మెరుగైన వైద్య సేవలు అందుబాటులో ఉండటం ఎంతో అవసరమని అన్నారు. రోజురోజుకూ పెరుగుతున్న జనాభా, మారుతున్న జీవనశైలి నేపథ్యంలో నాణ్యమైన వైద్య సేవల ప్రాధాన్యత మరింత పెరుగుతోందని పేర్కొన్నారు.పట్టణాలు, పరిసర ప్రాంతాల ప్రజలకు ఆధునిక వైద్య సదుపాయాలతో కూడిన ఆసుపత్రులు అందుబాటులోకి రావడం శుభపరిణామమని తెలిపారు. ప్రాచీన్ గ్లోబల్ హాస్పిటల్ ప్రజలకు నాణ్యమైన వైద్య సేవలు అందిస్తూ, వైద్య రంగంలో మంచి గుర్తింపు పొందాలని ఆకాంక్షించారు. ఆసుపత్రి యాజమాన్యం సేవాభావంతో రోగులకు మెరుగైన చికిత్స అందించాలని సూచించారు.పటాన్చెరు పట్టణం పారిశ్రామికంగా, వాణిజ్యపరంగా వేగంగా అభివృద్ధి చెందుతున్న నేపథ్యంలో ప్రజల ఆరోగ్య అవసరాలకు అనుగుణంగా మెరుగైన వైద్య సదుపాయాలు అందుబాటులోకి రావడం ఎంతో ప్రయోజనకరమని పలువురు అభిప్రాయపడ్డారు. నూతనంగా ప్రారంభమైన ఈ ఆసుపత్రి పటాన్చెరు ప్రాంతంతో పాటు చుట్టుపక్కల గ్రామాలు, కాలనీల ప్రజలకు వైద్య సేవలందించడంలో కీలకంగా నిలవాలని ఆకాంక్షించారు.ఈ కార్యక్రమంలో ఎమ్మెల్సీ అంజిరెడ్డి, సంగారెడ్డి జిల్లా బీజేపీ మహిళా అధ్యక్షురాలు గోదావరి అంజిరెడ్డి, అమీన్‌పూర్ మున్సిపల్ చైర్మన్ తుమ్మల పాండు రంగారెడ్డి, వైస్ చైర్మన్ నందారం నరసింహ గౌడ్, ఎండీఆర్ ఫౌండేషన్ కో-ఫౌండర్ మాద్రి పృథ్వీరాజ్, స్థానిక నాయకులు, ఆసుపత్రి యాజమాన్య ప్రతినిధులు, పలువురు ప్రముఖులు పాల్గొని ప్రారంభోత్సవ వేడుకలను విజయవంతం చేశారు.
Admin
ప్రజా పిలుపు
మరిన్ని వార్తలు
Developed By :
