*బాధిత బాలికకు న్యాయం చేయాలి: మాదిగ రిజర్వేషన్ పోరాట సమితి డిమాండ్*
ప్రజా పిలుపు / తెలంగాణ / సంగారెడ్డి : రామచంద్రపురం పట్టణంలోని మహంకాళి అమ్మవారి దేవాలయంలో ఇటీవల చోటుచేసుకున్న దుర్ఘటనపై మాదిగ రిజర్వేషన్ పోరాట సమితి జిల్లా ఇన్చార్జ్ వి.ఎస్. రాజు మాదిగ, మాదిగ మహిళా సమితి రాష్ట్ర అధ్యక్షురాలు పెద్ద గీత, మాదిగ రిజర్వేషన్ పోరాట సమితి నాయకులు ఆలయాన్ని సందర్శించి ఘటన జరిగిన ప్రదేశాన్ని పరిశీలించారు. అనంతరం స్థానికులను కలిసి ఘటనకు సంబంధించిన వివరాలను అడిగి తెలుసుకున్నారు.ఈ సందర్భంగా నాయకులు మాట్లాడుతూ.. తమ జాతీయ నాయకుడు మంద కృష్ణ మాదిగ ఆదేశాల మేరకు ఘటన స్థలాన్ని పరిశీలించడంతో పాటు పోలీస్ స్టేషన్కు వెళ్లి ఘటనకు సంబంధించిన వివరాలను తెలుసుకునేందుకు వచ్చినట్లు తెలిపారు. ఎస్సీ సామాజిక వర్గానికి చెందిన బాలికపై లైంగిక దాడికి పాల్పడిన నిందితులపై కఠినమైన చట్టపరమైన చర్యలు తీసుకోవాలని డిమాండ్ చేశారు.ఆలయంలో విధులు నిర్వహిస్తున్న పురోహితుడిపై చట్టప్రకారం కఠినమైన శిక్ష విధించాలని కోరారు. బాధిత బాలికకు న్యాయం జరిగే వరకు మాదిగ రిజర్వేషన్ పోరాట సమితి ఆధ్వర్యంలో పోరాటం కొనసాగిస్తామని స్పష్టం చేశారు. చిన్నారిపై ఇలాంటి దారుణ ఘటన జరగడం అత్యంత నీచమైన చర్య అని ఆవేదన వ్యక్తం చేశారు.బాధిత బాలిక నిందితుడి మనవరాలి వయసులో ఉంటుందని, అయినప్పటికీ ఇలాంటి దారుణానికి పాల్పడటం అమానుషమని పేర్కొన్నారు. బాలికకు న్యాయం జరిగేలా బాధ్యులపై కఠిన చర్యలు తీసుకోవాలని ప్రభుత్వాన్ని డిమాండ్ చేశారు.ఈ కార్యక్రమంలో వెంకటేష్, ప్రవీణ్, రమేష్, బందేల రవికుమార్, కృష్ణ, యేసయ్యతో పాటు మాదిగ రిజర్వేషన్ పోరాట సమితి నాయకులు, కార్యకర్తలు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
