ముత్తంగిలో పేకాట స్థావరంపై పోలీసుల దాడి
16 మంది అరెస్ట్.. రూ.54,900 నగదు, 14 సెల్ఫోన్లు స్వాధీనం
ప్రజా పిలుపు / తెలంగాణ / సంగారెడ్డి : పటాన్చెరు: ముత్తంగి గ్రామంలోని రైస్మిల్ రోడ్డు పక్కన ఉన్న ఖాళీ స్థలంలో పేకాట ఆడుతున్న 16 మందిని పటాన్చెరు పోలీసులు, ఎస్ఓటీ ఆర్సీ పురం పోలీసులు కలిసి అదుపులోకి తీసుకున్నారు.పోలీసుల వివరాల ప్రకారం.. సెప్టెంబర్ 21న తెల్లవారుజామున 2 గంటల సమయంలో ముత్తంగి గ్రామంలోని రైస్మిల్ రోడ్డు పక్కన కొంతమంది వ్యక్తులు పేకాట ఆడుతున్నట్లు పోలీసులకు సమాచారం అందింది. దీంతో వెంటనే పటాన్చెరు పోలీసులు, ఎస్ఓటీ ఆర్సీ పురం సిబ్బంది సంఘటనా స్థలానికి చేరుకుని తనిఖీలు చేపట్టారు. అక్కడ 16 మంది వ్యక్తులు పేకాట ఆడుతూ పోలీసులకు పట్టుబడ్డారు.వారిని విచారించగా నవీన్కుమార్, రాకేష్, కుశాల్ రాకేష్సింగ్, ఆకాష్, దీపక్, యాదిరెడ్డి, సాయి కృష్ణగౌడ్, డానియెల్, సాయిరామ్,రవీందర్, ప్రశాంత్, విట్టల్, దీపక్కుమార్ మహతో, సంతోష్కుమార్, భానుప్రకాష్, రాహుల్గా గుర్తించారు.పేకాట స్థావరం నుంచి రూ.54,900 నగదు, 14 మొబైల్ ఫోన్లను పోలీసులు స్వాధీనం చేసుకున్నారు. ఈ ఘటనపై కేసు నమోదు చేసి దర్యాప్తు చేపట్టారు. పట్టుబడిన వారంతా ముత్తంగి గ్రామానికి చెందినవారిగా పోలీసులు తెలిపారు.
Admin
ప్రజా పిలుపు
మరిన్ని వార్తలు
Developed By :
