పటాన్చెరులో ఘనంగా జష్నే ఈద్ మిలాద్ ఉన్ నబీ వేడుకలు
భిన్నత్వంలో ఏకత్వానికి ప్రతీక పటాన్చెరు: గూడెం మధుసూదన్ రెడ్డి
ప్రజా పిలుపు / తెలంగాణ / సంగారెడ్డి : పటాన్చెరు: భిన్నత్వంలో ఏకత్వానికి ప్రతీకగా పటాన్చెరు నియోజకవర్గం నిలుస్తోందని బీఆర్ఎస్ సీనియర్ నాయకులు గూడెం మధుసూదన్ రెడ్డి అన్నారు. జష్నే ఈద్ మిలాద్ ఉన్ నబీ సందర్భంగా బుధవారం పటాన్చెరు పట్టణంలో ముస్లిం యువత ఆధ్వర్యంలో నిర్వహించిన ర్యాలీ ఉత్సాహంగా సాగింది.ఈ సందర్భంగా పట్టణంలోని మహాత్మా గాంధీ పార్క్ వద్ద బీఆర్ఎస్ సీనియర్ నాయకులు గూడెం మధుసూదన్ రెడ్డి, గూడెం విక్రమ్ రెడ్డిల ఆధ్వర్యంలో ర్యాలీలో పాల్గొన్న వారికి శీతల పానీయాలు, తాగునీరు పంపిణీ చేశారు.ఈ సందర్భంగా గూడెం మధుసూదన్ రెడ్డి మాట్లాడుతూ అన్ని మతాల సారాంశం ఒక్కటేనని, ప్రతి ఒక్కరూ పరమత సహనాన్ని అలవర్చుకోవాలని కోరారు. పటాన్చెరు ఎమ్మెల్యే గూడెం మహిపాల్ రెడ్డి నియోజకవర్గ వ్యాప్తంగా కులమతాలకు అతీతంగా అన్ని వర్గాల ప్రజలకు తన సొంత నిధులతో ప్రార్థనా మందిరాలను నిర్మిస్తూ, ప్రజల్లో సోదరభావం, పరమత సహనాన్ని పెంపొందిస్తున్నారని తెలిపారు. ఈ కార్యక్రమంలో మాజీ ఎంపీపీ యాదగిరి యాదవ్, మార్కెట్ కమిటీ మాజీ చైర్మన్ విజయ్ కుమార్, ఎస్సీ సేల్ అధ్యక్షులు కొముర గూడెం వెంకటేష్, షకీల్, సోహైల్, దస్తగిరి, సలీం, జీఎంఆర్ యువసేన నాయకులు తదితరులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
