చిన్నకోడూరు పీహెచ్సీని ఆకస్మికంగా తనిఖీ చేసిన జిల్లా కలెక్టర్ హైమావతి*
ప్రజా పిలుపు / తెలంగాణ / సిద్దిపేట : చిన్నకోడూరు మండల కేంద్రంలోని ప్రాథమిక ఆరోగ్య కేంద్రాన్ని జిల్లా కలెక్టర్ కె. హైమావతి సోమవారం ఆకస్మికంగా సందర్శించి వైద్య సేవల తీరును పరిశీలించారు. ఈ సందర్భంగా ఓపీ రిజిస్టర్, అటెండెన్స్ రిజిస్టర్లను పరిశీలించి సిబ్బంది హాజరును తనిఖీ చేశారు.మెడికల్ ఆఫీసర్, సీహెచ్వో-సూపర్వైజర్లు క్షేత్రస్థాయిలో పోలియో చుక్కల కార్యక్రమంలో ఉన్నట్లు సిబ్బంది తెలపడంతో, జిల్లా కలెక్టర్ వీడియో కాల్ ద్వారా వారితో మాట్లాడి నిజనిర్ధారణ చేశారు. వారు గ్రామాల్లో ఇంటింటికీ తిరుగుతూ చిన్నారులకు పోలియో చుక్కలు వేస్తున్నట్లు వివరించారు.క్షేత్రస్థాయి పర్యటనలకు వెళ్లే అధికారులు, సిబ్బంది ముందుగా పీహెచ్సీకి వచ్చి అటెండెన్స్ రిజిస్టర్లో సంతకం చేసిన అనంతరమే ఫీల్డ్కు వెళ్లాలని, అలాగే ఫీల్డ్ వివరాలను కూడా రిజిస్టర్లో తప్పనిసరిగా నమోదు చేయాలని జిల్లా కలెక్టర్ మెడికల్ ఆఫీసర్ను ఆదేశించారు.సీజనల్ వ్యాధుల నివారణకు అవసరమైన అన్ని మందులు, వైద్య పరికరాలు ఎల్లప్పుడూ అందుబాటులో ఉంచాలని, ఆసుపత్రికి వచ్చే ప్రతి రోగికి నాణ్యమైన వైద్య సేవలు అందించాలని ఆమె సూచించారు.ఈ సమాచారాన్ని జిల్లా పౌర సంబంధాల అధికారి కార్యాలయం, సిద్దిపేట జిల్లా విడుదల చేసిన ప్రకటనలో తెలిపింది.
Admin
ప్రజా పిలుపు
మరిన్ని వార్తలు
Developed By :
