రూ.1.93 కోట్లతో విద్యుత్ దీపాల ఏర్పాటు
పనులకు శంకుస్థాపన చేసిన ఎమ్మెల్యే గూడెం మహిపాల్ రెడ్డి
ప్రజా పిలుపు / తెలంగాణ / సంగారెడ్డి : రామచంద్రాపురం: వేగంగా అభివృద్ధి చెందుతున్న తెల్లాపూర్ డివిజన్ పరిధిలో ప్రజల అవసరాలకు అనుగుణంగా అభివృద్ధి కార్యక్రమాలను చేపడుతున్నామని పటాన్చెరు ఎమ్మెల్యే గూడెం మహిపాల్ రెడ్డి తెలిపారు.తెల్లాపూర్ డివిజన్ పరిధిలోని కొల్లూరు రెండు పడక గదుల ఇళ్ల మొదటి దశ నుంచి ఉస్మాన్‌నగర్ వరకు ఉన్న ప్రధాన రహదారి మధ్యలో రూ.1.93 కోట్ల అంచనా వ్యయంతో ఏర్పాటు చేయనున్న విద్యుత్ దీపాల పనులకు మంగళవారం ఉదయం ఎమ్మెల్యే గూడెం మహిపాల్ రెడ్డి శంకుస్థాపన చేశారు.ఈ సందర్భంగా ఎమ్మెల్యే మాట్లాడుతూ.. తెల్లాపూర్ డివిజన్‌లో జనాభా వేగంగా పెరుగుతున్న నేపథ్యంలో ప్రజలకు అవసరమైన రహదారులు, మురుగునీటి కాలువలు, తాగునీరు, విద్యుత్ తదితర మౌలిక వసతుల కల్పనకు ప్రాధాన్యత ఇస్తున్నామని తెలిపారు.ప్రధాన రహదారి మధ్యలో విద్యుత్ దీపాలను ఏర్పాటు చేయడం వల్ల రాత్రి వేళల్లో ప్రయాణించే ప్రజలకు మెరుగైన వెలుతురు అందుతుందని, తద్వారా రహదారి మరింత సురక్షితంగా ఉండటంతో పాటు అందంగా మారుతుందని పేర్కొన్నారు.పటాన్చెరు నియోజకవర్గాన్ని అన్ని రంగాల్లో అభివృద్ధి చేయడమే లక్ష్యంగా ప్రణాళికాబద్ధంగా పనులు చేపడుతున్నామని గూడెం మహిపాల్ రెడ్డి తెలిపారు. ప్రజల అవసరాలను గుర్తించి దశలవారీగా మౌలిక వసతులను అభివృద్ధి చేస్తున్నామని చెప్పారు. పనుల్లో నాణ్యతా ప్రమాణాలను పాటిస్తూ నిర్ణీత సమయంలో పూర్తి చేయాలని సంబంధిత అధికారులను ఆదేశించారు.ఈ కార్యక్రమంలో తెల్లాపూర్ మున్సిపల్ మాజీ ఉపాధ్యక్షుడు రాములు గౌడ్, బీఆర్ఎస్ పార్టీ డివిజన్ అధ్యక్షుడు దేవేందర్ యాదవ్, ఉప విభాగ ఇంజినీర్ కృష్ణవేణి, మాజీ కౌన్సిలర్లు, మాజీ ప్రజాప్రతినిధులు, సీనియర్ నాయకులు, కార్యకర్తలు తదితరులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
