ప్రజావాణి దరఖాస్తులను వెంటనే పరిష్కరించాలి*
జిల్లా అధికారులకు కలెక్టర్ కె. హైమావతి ఆదేశం
ప్రజా పిలుపు / తెలంగాణ / సిద్దిపేట : ప్రజావాణిలో అందిన దరఖాస్తులను పెండింగ్లో ఉంచకుండా వెంటనే పరిష్కరించాలని జిల్లా కలెక్టర్ కె. హైమావతి జిల్లా అధికారులను ఆదేశించారు. ప్రజలు ఎంతో నమ్మకంతో తమ సమస్యలను అధికారుల దృష్టికి తీసుకువచ్చి పరిష్కారం కోసం ప్రజావాణికి వస్తారని, వారి నమ్మకాన్ని నిలబెట్టే విధంగా అధికారులు పనిచేయాలని సూచించారు.సోమవారం సమీకృత జిల్లా కార్యాలయ సముదాయంలోని సమావేశ మందిరంలో వివిధ శాఖల వారీగా ప్రజావాణి దరఖాస్తుల పెండింగ్ వివరాలపై జిల్లా కలెక్టర్ సమీక్ష నిర్వహించారు. ఆయా శాఖల్లో పెండింగ్లో ఉన్న దరఖాస్తులను పరిశీలించి, వాటిని వెంటనే పరిష్కరించాలని అధికారులను ఆదేశించారు. ప్రజల సమస్యల పరిష్కారంలో జాప్యం చేయకుండా, ప్రతి దరఖాస్తుపై బాధ్యతతో స్పందించాలని సూచించారు.జిల్లా కలెక్టర్ ఆదేశాల మేరకు జిల్లా అదనపు కలెక్టర్ లక్ష్మీకిరణ్ ప్రజల నుంచి ప్రజావాణి దరఖాస్తులను స్వీకరించారు. జిల్లాలో వివిధ సమస్యల పరిష్కారం కోరుతూ ప్రజల నుంచి మొత్తం 103 దరఖాస్తులు అందినట్లు అధికారులు తెలిపారు.ఈ కార్యక్రమంలో డీఆర్వో నాగరాజమ్మ, ఎస్డీసీ సుదర్శన్రెడ్డి, వివిధ శాఖల జిల్లా అధికారులు తదితరులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
