గెస్ట్ లెక్చరర్ పోస్టులకు దరఖాస్తులు ఆహ్వానం*
ప్రజా పిలుపు / తెలంగాణ / సంగారెడ్డి : పటాన్చెరులోని డాక్టర్ ఏపీజే అబ్దుల్ కలాం ప్రభుత్వ డిగ్రీ కళాశాలలో ఖాళీగా ఉన్న అతిథి అధ్యాపకుల పోస్టులకు అర్హత, ఆసక్తి ఉన్న అభ్యర్థుల నుంచి దరఖాస్తులు ఆహ్వానిస్తున్నట్లు కళాశాల ప్రిన్సిపల్ ప్రొఫెసర్ ఎం. ప్రవీణ తెలిపారు.కళాశాలలో ఖాళీగా ఉన్న ఇంగ్లిష్, బీఎస్సీ ఈ-మొబిలిటీ అండ్ బ్యాటరీ, బీకాం బ్యాంకింగ్ ఫైనాన్స్ అండ్ ఇన్సూరెన్స్ కోర్సులకు బోధించేందుకు అర్హత కలిగిన అభ్యర్థులు ఈ నెల 21వ తేదీలోగా పటాన్చెరులోని కళాశాలలో దరఖాస్తులు సమర్పించాలని సూచించారు.అర్హత కలిగిన అభ్యర్థులు ఈ నెల 22వ తేదీన సంగారెడ్డిలోని తారా ప్రభుత్వ కళాశాలలో నిర్వహించే ఇంటర్వ్యూలకు హాజరు కావాలని తెలిపారు.అభ్యర్థులు సంబంధిత విభాగంలో పీజీలో కనీసం 55 శాతం మార్కులు సాధించి ఉండాలని, ఎస్సీ, ఎస్టీ అభ్యర్థులకు 50 శాతం మార్కులు ఉండాలని పేర్కొన్నారు. పీహెచ్డీ, జాతీయ అర్హత పరీక్ష లేదా రాష్ట్ర అర్హత పరీక్ష ఉత్తీర్ణులైన అభ్యర్థులకు ప్రాధాన్యత ఉంటుందని ప్రిన్సిపల్ తెలిపారు.
Admin
ప్రజా పిలుపు
మరిన్ని వార్తలు
Developed By :
