వివిధ గణేష్ మండపాలను సందర్శించిన ఐలాపూర్ మాణిక్ యాదవ్
ప్రజా పిలుపు / తెలంగాణ / సంగారెడ్డి : అమీన్పూర్, ప్రజా పిలుపు: వినాయక చవితి సందర్భంగా అమీన్పూర్ డివిజన్లో ఏర్పాటు చేసిన వివిధ గణేష్ మండపాలను బీఆర్ఎస్ నాయకుడు ఐలాపూర్ మాణిక్ యాదవ్ సందర్శించారు. ఆయా మండపాల వద్ద ప్రత్యేక పూజల్లో పాల్గొని గణనాథుడిని దర్శించుకుని స్వామివారి ఆశీస్సులు పొందారు.ఈ సందర్భంగా గణేష్ ఉత్సవ నిర్వాహకులు, భక్తులతో మాణిక్ యాదవ్ ఆత్మీయంగా ముచ్చటించారు. ఉత్సవాల నిర్వహణ, మండపాల వద్ద చేపట్టిన ఏర్పాట్లను అడిగి తెలుసుకున్నారు. గణనాథుని ఆశీస్సులతో ప్రజలందరూ సుఖసంతోషాలతో, ఆయురారోగ్యాలతో ఉండాలని ఆకాంక్షించారు.విఘ్నాలను తొలగించే విఘ్నేశ్వరుడిగా, జ్ఞానం, శుభం, విజయానికి ప్రతీకగా గణపతిని భక్తులు ఆరాధిస్తారని పేర్కొన్నారు. వినాయక చవితి సందర్భంగా ప్రజలంతా భక్తిశ్రద్ధలతో పూజలు నిర్వహిస్తూ ఐకమత్యం, సోదరభావాన్ని చాటుకోవడం సంతోషకరమన్నారు.ఈ కార్యక్రమాల్లో స్థానిక గణేష్ ఉత్సవ కమిటీ సభ్యులు, యువత, భక్తులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
