అంబేద్కర్ సాక్షిగా హెచ్చరిక – పటాన్చెరులో నిరసన
ప్రజా పిలుపు / తెలంగాణ / సంగారెడ్డి : పటాన్చెరు రాజ్యాంగబద్ధ పదవిలో ఉన్న దళిత స్పీకర్‌పై అవమానకర వ్యాఖ్యలు చేసిన తాతా మధుపై పటాన్చెరులో కాంగ్రెస్ నాయకులు, కార్యకర్తలు నిరసన వ్యక్తం చేశారు. మంగళవారం గాంధీ విగ్రహం నుంచి డాక్టర్ బి.ఆర్. అంబేద్కర్ విగ్రహం వరకు భారీ ర్యాలీ నిర్వహించారు.పటాన్చెరు యువ నాయకులు జలగరి దేవకుమార్ మాట్లాడుతూ, ప్రజాస్వామ్యంలో రాజ్యాంగ పదవులకు గౌరవం ఇవ్వడం ప్రతి ఒక్కరి బాధ్యత అని అన్నారు. దళిత స్పీకర్‌ను కించపరిచేలా చేసిన వ్యాఖ్యలపై తాతా మధు వెంటనే బహిరంగ క్షమాపణ చెప్పాలని డిమాండ్ చేశారు.అలాంటి వ్యాఖ్యలు ఒక వ్యక్తిని మాత్రమే కాకుండా రాజ్యాంగ విలువలను, దళితుల ఆత్మగౌరవాన్ని అవమానించే చర్యలని పేర్కొంటూ, ఇలాంటి వ్యాఖ్యలను ఎట్టి పరిస్థితుల్లోనూ సహించబోమని హెచ్చరించారు. బాధ్యతాయుతమైన రాజకీయాల్లో వ్యక్తిగత విమర్శలకు కూడా హద్దు ఉండాలని అన్నారు.ఈ కార్యక్రమంలో సంగారెడ్డి జిల్లా మహిళా కాంగ్రెస్ అధ్యక్షురాలు కాట సుధా శ్రీనివాస్ గౌడ్, పటాన్చెరు వ్యవసాయ మార్కెట్ కమిటీ చైర్మన్ యేపూరి శివానందం తెలంగాణ ప్రోటోకాల్ చైర్మన్ ఆదిత్య రెడ్డి, కాంగ్రెస్ నాయకులు, కార్యకర్తలు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
