Friday, 25 September 2026 10:02:27 AM
రోడ్ల ఆక్రమణలపై సైబరాబాద్ మున్సిపల్ కార్పొరేషన్ ప్రత్యేక చర్యలు
Date : 04 July 2026 03:35 PM
Views : 108
ప్రజా పిలుపు / తెలంగాణ / సంగారెడ్డి : పటాన్చెరు సర్కిల్ , అమీన్పూర్ సర్కిల్ పరిధిలో రహదారులపై అక్రమంగా నిర్మించిన షెడ్లు, రోడ్లను ఆక్రమించి నిర్వహిస్తున్న దుకాణ సముదాయాలపై సైబరాబాద్ మున్సిపల్ కార్పొరేషన్ అధికారులు ప్రత్యేక డ్రైవ్ నిర్వహించారు.ఈ సందర్భంగా రహదారులను ఆక్రమించి ఏర్పాటు చేసిన షెడ్లు, తాత్కాలిక నిర్మాణాలు, అక్రమ దుకాణాలను అధికారులు తొలగించారు. రోడ్లపై ఆక్రమణల కారణంగా ప్రజలు, వాహనదారులు తీవ్ర ఇబ్బందులు ఎదుర్కొంటున్న నేపథ్యంలో ఈ చర్యలు చేపట్టినట్లు అధికారులు తెలిపారు.ఇకపై కూడా రహదారులను ఆక్రమించి వ్యాపారాలు నిర్వహించే వారిపై కఠిన చర్యలు తీసుకుంటామని, ప్రభుత్వ స్థలాలు, రహదారులను ఆక్రమించకుండా ప్రజలు సహకరించాలని అధికారులు సూచించారు.ఈ కార్యక్రమంలో సైబరాబాద్ మున్సిపల్ అధికారులు సిబ్బంది తదితరులు పాల్గొన్నారు.
Vijay Kumar
Admin
ప్రజా పిలుపు
మరిన్ని వార్తలు
Copyright © Praja Pilupu 2026. All right Reserved.
Developed By :
Developed By :