వివేకానంద పార్క్‌ను సందర్శించిన మాజీ కార్పొరేటర్ సింధు ఆదర్శ్ రెడ్డి
ప్రజా పిలుపు / తెలంగాణ / సంగారెడ్డి : శేరిలింగంపల్లి నియోజకవర్గం భారతీనగర్ డివిజన్ మాజీ కార్పొరేటర్ సింధు ఆదర్శ్ రెడ్డి మంగళవారం ఓల్డ్ ఎంఐజీ కాలనీలోని వివేకానంద పార్క్‌ను యూబీడీ మేనేజర్ సతీష్‌తో కలిసి సందర్శించారు.తాను కార్పొరేటర్‌గా ఉన్న సమయంలో పార్క్ అభివృద్ధి కోసం ప్రతిపాదించిన ఆట వస్తువులు, బహిరంగ వ్యాయామశాల, బహుళ ప్రయోజన క్రీడా మైదానం తదితర పనుల పురోగతిపై యూబీడీ మేనేజర్ సతీష్‌ను అడిగి వివరాలు తెలుసుకున్నారు.పార్క్ అభివృద్ధి పనులను త్వరితగతిన పూర్తి చేసి స్థానిక ప్రజలకు అందుబాటులోకి తీసుకురావాలని సింధు ఆదర్శ్ రెడ్డి కోరారు. ముఖ్యంగా చిన్నారులు, యువతకు పార్క్‌లోని సౌకర్యాలు ఉపయోగపడేలా అభివృద్ధి పనులను వేగవంతం చేయాలని సూచించారు.ఈ కార్యక్రమంలో యూబీడీ పర్యవేక్షకుడు రాములు, సొసైటీ అధ్యక్షుడు బాలయ్య, ఉపాధ్యక్షుడు నారాయణ గౌడ్, మాజీ కౌన్సిలర్ నాగమణి, బీఆర్ఎస్ సీనియర్ నాయకులు భాస్కర్ ముదిరాజ్, చిన్నా, శ్రీనివాస్, రాకేష్ రెడ్డి, లక్ష్మి, స్వర్ణలత, ప్రతాప్ తదితరులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
