*పూరి జగన్నాథ రథయాత్రలో పాల్గొన్న ఐలాపూర్ మాణిక్ యాదవ్
ప్రజా పిలుపు / తెలంగాణ / సంగారెడ్డి : అమీన్ పూర్:శ్రీ వేణుగోపాల స్వామిదేవాలయం ఆధ్వర్యంలో రాఘవేంద్ర కాలనీలో అత్యంత వైభవంగా నిర్వహించిన 2వ పూరీ జగన్నాథ రథయాత్ర మహోత్సవం భక్తిశ్రద్ధల మధ్య ఘనంగా జరిగింది. ఈ పవిత్ర మహోత్సవంలో బీఆర్ఎస్ నాయకులు ఐలాపూర్ మాణిక్ యాదవ్ పాల్గొని శ్రీ జగన్నాథ స్వామి, బలభద్ర స్వామి, సుభద్ర అమ్మవారిని దర్శించుకుని ప్రత్యేక పూజలు నిర్వహించి దివ్య ఆశీస్సులు పొందారు.ఈ సందర్భంగా ఆలయ కమిటీ సభ్యులు, నిర్వాహకులు, ప్రజాప్రతినిధులు, స్థానిక ప్రముఖులు మరియు వివిధ ప్రాంతాల నుంచి భారీ సంఖ్యలో తరలివచ్చిన భక్తులు రథయాత్రలో భక్తిశ్రద్ధలతో పాల్గొన్నారు. జై జగన్నాథ నామస్మరణలతో, భజనలు, కీర్తనలు, మంగళ వాయిద్యాల నడుమ రథయాత్ర అంగరంగ వైభవంగా కొనసాగింది. భక్తులు స్వామివారికి ప్రత్యేక హారతులు సమర్పించి తమ మొక్కులు చెల్లించుకున్నారు.ఈ సందర్భంగా ఐలాపూర్ మాణిక్ యాదవ్ మాట్లాడుతూ, ఇటువంటి ఆధ్యాత్మిక కార్యక్రమాలు సమాజంలో ఐకమత్యాన్ని, సనాతన ధర్మ విలువలను మరియు భక్తి భావాన్ని పెంపొందిస్తాయని అన్నారు. శ్రీ జగన్నాథ స్వామివారి కృపాకటాక్షాలు ప్రతి కుటుంబంపై ఉండాలని, రాష్ట్ర ప్రజలందరూ సుఖసంతోషాలు, ఆయురారోగ్యాలు, ఐశ్వర్యాలతో వర్ధిల్లాలని స్వామివారిని ప్రార్థించారు.ఈ మహోత్సవాన్ని విజయవంతంగా నిర్వహించిన ఆలయ కమిటీ సభ్యులు, నిర్వాహకులు మరియు సేవలందించిన ప్రతి ఒక్కరిని అభినందిస్తూ, కార్యక్రమంలో పాల్గొన్న భక్తులందరికీ ధన్యవాదాలు తెలిపారు.
Admin
ప్రజా పిలుపు
మరిన్ని వార్తలు
Developed By :
