పిల్లల పార్క్ మేకల షెడ్డుగా మారింది*
చర్యలు తీసుకోవాలని స్థానికుల డిమాండ్
ప్రజా పిలుపు / తెలంగాణ / వికారాబాద్ : వికారాబాద్ టౌన్ 31వ వార్డులో పిల్లలు ఆడుకోవాల్సిన పార్క్ ప్రస్తుతం మేకల షెడ్డుగా మారిందని స్థానికులు తీవ్ర ఆవేదన వ్యక్తం చేస్తున్నారు. పిల్లలు ఆటలు ఆడుతూ, సాయంత్రం వేళల్లో కుటుంబాలతో కలిసి గడపాల్సిన ఈ పార్క్‌లో ఇప్పుడు మేకలను కట్టివేయడం, షెడ్డుగా ఉపయోగించడం వల్ల పార్క్ తన అసలు ఉద్దేశాన్ని కోల్పోయిందని వారు ఆవేదన వ్యక్తం చేశారు.ఈ విషయంపై పలుమార్లు సంబంధిత అధికారులకు ఫిర్యాదు చేసినప్పటికీ ఇప్పటి వరకు ఎలాంటి చర్యలు తీసుకోలేదని స్థానికులు ఆరోపిస్తున్నారు. పార్క్‌లో ఆక్రమణలు కొనసాగుతుండటంతో పిల్లలు, మహిళలు, వృద్ధులు పార్కును వినియోగించుకోలేని పరిస్థితి నెలకొన్నదని తెలిపారు.ఇప్పటికైనా అధికారులు స్పందించి పార్కును ఆక్రమణల నుంచి విముక్తం చేసి, పిల్లలు ఆడుకునేలా పునరుద్ధరించాలని స్థానికులు డిమాండ్ చేస్తున్నారు.
Admin
ప్రజా పిలుపు
మరిన్ని వార్తలు
Developed By :
