జోగిపేట ట్రాన్సిట్ హోంను ఆకస్మికంగా తనిఖీ చేసిన జిల్లా ఎస్పీ*
విదేశీయులకు ఎలాంటి ఇబ్బందులు కలగకుండా చూడాలి: ఎస్పీ పరితోష్ పంకజ్
ప్రజా పిలుపు / తెలంగాణ / సంగారెడ్డి : జోగిపేట సబ్జైల్లో ఏర్పాటు చేసిన ట్రాన్సిట్ హోం (విదేశీయుల కేంద్రాన్ని) జిల్లా ఎస్పీ పరితోష్ పంకజ్, ఐపీఎస్ గురువారం ఆకస్మికంగా తనిఖీ చేశారు. ఈ సందర్భంగా ట్రాన్సిట్ హోంలోని భద్రతా ఏర్పాట్లను పరిశీలించి, అధికారులు, సిబ్బందికి పలు సూచనలు చేశారు.పాస్పోర్ట్ గడువు ముగియడం, ఇతర కారణాల వల్ల దేశంలో ఉండాల్సిన పరిస్థితి ఏర్పడిన విదేశీయులను వారి స్వదేశాలకు తిరిగి పంపించే వరకు ట్రాన్సిట్ హోంలో ఉంచుతున్నట్లు ఎస్పీ తెలిపారు. అక్కడ ఉంటున్న విదేశీయుల భద్రతకు ప్రాధాన్యతనిస్తూ కట్టుదిట్టమైన భద్రతా చర్యలు చేపట్టాలని అధికారులను ఆదేశించారు.విదేశీయులకు ఎలాంటి ఇబ్బందులు కలగకుండా అవసరమైన వసతులు, సదుపాయాలు కల్పించాలని, నిబంధనలకు అనుగుణంగా వారిని సంరక్షించాలని సూచించారు. ట్రాన్సిట్ హోం పరిసరాల్లో భద్రతా చర్యలను నిరంతరం పర్యవేక్షించాలని సిబ్బందికి తెలిపారు. విదేశీయులు తమ దేశాలకు సురక్షితంగా తిరిగి వెళ్లే వరకు అవసరమైన అన్ని చర్యలు చేపట్టాలని సూచించారు.ఈ తనిఖీలో జోగిపేట సీఐ అనిల్ కుమార్, ఎస్ఐ శ్రీకాంత్, జైలు సిబ్బంది తదితరులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
