లంచం తీసుకుంటూ విద్యాశాఖ అధికారి ఏసీబీకి చిక్కిన వైనం
ప్రైవేట్ కళాశాలకు అనుకూల నివేదిక కోసం రూ.50 వేల డిమాండ్..రూ.20 వేలు తీసుకుంటుండగా రెడ్హ్యాండెడ్గా పట్టుకున్న ఏసీబీ
ప్రజా పిలుపు / తెలంగాణ / సంగారెడ్డి : సంగారెడ్డి కలెక్టరేట్లోని జిల్లా ఇంటర్మీడియట్ విద్యాధికారి కార్యాలయంలో లంచం తీసుకుంటున్న విద్యాశాఖ అధికారి గోవిందరామ్ను అవినీతి నిరోధక శాఖ అధికారులు పట్టుకున్నారు.సంగారెడ్డి పట్టణంలోని ఓ ప్రైవేట్ కళాశాలను తనిఖీ చేసి అనుకూల నివేదిక ఇచ్చేందుకు గోవిందరామ్ రూ.50 వేల లంచం డిమాండ్ చేసినట్లు ఆరోపణలు ఉన్నాయి. ఇందులో భాగంగా గత వారం బాధితుడి నుంచి రూ.30 వేలు తీసుకున్నట్లు సమాచారం.మిగిలిన రూ.20 వేలు ఇవ్వాలని అధికారి ఫోన్ చేసి డిమాండ్ చేయడంతో బాధితుడు ఏసీబీ అధికారులను ఆశ్రయించాడు. వారి సూచనల మేరకు బుధవారం కార్యాలయంలో రూ.20 వేలు అందజేస్తుండగా ఏసీబీ డీఎస్పీ సుదర్శన్రెడ్డి ఆధ్వర్యంలోని బృందం దాడి చేసి గోవిందరామ్ను రెడ్హ్యాండెడ్గా పట్టుకున్నట్లు తెలిసింది.అనంతరం ఏసీబీ అధికారులు కార్యాలయంలో తనిఖీలు నిర్వహించారు. ఘటనపై కేసు నమోదు చేసి దర్యాప్తు చేపట్టినట్లు అధికారులు తెలిపారు.
Admin
ప్రజా పిలుపు
మరిన్ని వార్తలు
Developed By :
