*ముఖ్యమంత్రి రేవంత్రెడ్డిపై కేటీఆర్ వ్యాఖ్యలు సిగ్గుచేటు
పటాన్చెరు పోలీస్స్టేషన్లో ఫిర్యాదు చేసిన కాంగ్రెస్ నాయకులు
ప్రజా పిలుపు / తెలంగాణ / సంగారెడ్డి : ముఖ్యమంత్రి రేవంత్రెడ్డిపై మాజీ మంత్రి, బీఆర్ఎస్ కార్యనిర్వాహక అధ్యక్షుడు కల్వకుంట్ల తారక రామారావు చేసిన వ్యాఖ్యలు సభ్య సమాజం తలదించుకునే విధంగా ఉన్నాయని సంగారెడ్డి జిల్లా ఐఎన్టీయూసీ, పటాన్చెరు పట్టణ కాంగ్రెస్ కమిటీ అధ్యక్షుడు కొల్కూరి నర్సింహారెడ్డి అన్నారు.ఈ మేరకు బుధవారం పటాన్చెరు పట్టణ పోలీస్స్టేషన్లో స్థానిక సీఐ రవీందర్ను కలిసి కేటీఆర్ వ్యాఖ్యలపై ఫిర్యాదు చేశారు. రాజ్యాంగబద్ధంగా ఎన్నికైన ముఖ్యమంత్రిపై ఇష్టానుసారంగా అనుచిత వ్యాఖ్యలు చేయడం అహంకారపూరిత వైఖరికి నిదర్శనమని ఆయన పేర్కొన్నారు. ప్రజాస్వామ్య వ్యవస్థలో కీలకమైన పదవిలో ఉన్న ముఖ్యమంత్రిని కించపరిచేలా వ్యాఖ్యలు చేయడం సరికాదన్నారు.కేటీఆర్పై చట్టపరంగా తగిన చర్యలు తీసుకుని, సంబంధిత సెక్షన్ల కింద కేసు నమోదు చేయాలని పోలీసులను కోరినట్లు నర్సింహారెడ్డి తెలిపారు.ఈ కార్యక్రమంలో మాజీ సర్పంచ్ సంజీవరెడ్డి, మాజీ పీసీసీ కార్యదర్శి మతిన్, యువరాజ్, అక్షిత్ తదితరులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
