గూడెం వారింట రాఖీ పండుగ వేడుకలు
ఎమ్మెల్యే జీఎంఆర్కు రాఖీలు కట్టి శుభాకాంక్షలు తెలిపిన సోదరిమణులు
ప్రజా పిలుపు / తెలంగాణ / సంగారెడ్డి : సోదర, సోదరీమణుల మధ్య ప్రేమానురాగాలకు ప్రతీకగా నిలిచే రక్షాబంధన్ పండుగ వేడుకలు గూడెం వారి ఇంట్లో ఘనంగా జరిగాయి. రాఖీ పండుగను పురస్కరించుకుని శనివారం ఎమ్మెల్యే గూడెం మహిపాల్ రెడ్డి నివాసానికి చేరుకున్న ఆయన సోదరీమణులు నర్సమ్మ, సువర్ణ ఎమ్మెల్యే జీఎంఆర్తో పాటు మరో సోదరుడు గూడెం మధుసూదన్ రెడ్డికి రాఖీలు కట్టి తమ ఆత్మీయ అనుబంధాన్ని చాటుకున్నారు.అదేవిధంగా ఎమ్మెల్యే గూడెం మహిపాల్ రెడ్డి కుమార్తె కొలన్ రాజేశ్వరి రెడ్డి తన సోదరుడు గూడెం విక్రం రెడ్డికి రాఖీ కట్టారు. కీర్తిశేషులు గూడెం విష్ణువర్ధన్ రెడ్డి కుమార్తె రుధిర, గూడెం విక్రం రెడ్డి కుమార్తె మహిరలు తమ సోదరులు అక్షయ్ రెడ్డి, నిహాన్ రెడ్డికి రాఖీలు కట్టారు. దీంతో గూడెం కుటుంబంలో రాఖీ పండుగ సందడి నెలకొంది.ఈ సందర్భంగా ఎమ్మెల్యే జీఎంఆర్ మాట్లాడుతూ అక్కాచెల్లెళ్లు, అన్నదమ్ములు, అక్కాతమ్ముళ్ల మధ్య ప్రేమ, ఆప్యాయతలకు రక్షాబంధన్ ప్రతీకగా నిలుస్తుందని అన్నారు. నియోజకవర్గ ప్రజలందరికీ రక్షాబంధన్ శుభాకాంక్షలు తెలిపారు.
Admin
ప్రజా పిలుపు
మరిన్ని వార్తలు
Developed By :
