ఎండీఆర్ ఫౌండేషన్ ఆధ్వర్యంలో త్రీకే రన్
ప్రజా పిలుపు / తెలంగాణ / సంగారెడ్డి : పటాన్చెరు పట్టణ పరిధిలోని ఓఆర్‌ఆర్ సర్వీస్ రోడ్డుపై ఎండీఆర్ ఫౌండేషన్ ఆధ్వర్యంలో ఆదివారం త్రీకే రన్ నిర్వహించారు. ఎండీఆర్ ఫౌండేషన్ కో-ఫౌండర్ మాద్రి పృథ్వీరాజ్ ఆధ్వర్యంలో నిర్వహించిన ఈ కార్యక్రమానికి ముఖ్య అతిథులుగా పటాన్చెరు ఎమ్మెల్యే గూడెం మహిపాల్ రెడ్డి, ఎమ్మెల్సీ అంజిరెడ్డి హాజరయ్యారు.ఈ సందర్భంగా ఎమ్మెల్యే గూడెం మహిపాల్ రెడ్డి, ఎమ్మెల్సీ అంజిరెడ్డి జెండా ఊపి త్రీకే రన్‌ను ప్రారంభించారు. యువత, విద్యార్థులు, ప్రజలు పెద్ద సంఖ్యలో పాల్గొని ఉత్సాహంగా పరుగు సాగించారు.ఈ సందర్భంగా ఎండీఆర్ ఫౌండేషన్ కో-ఫౌండర్ మాద్రి పృథ్వీరాజ్ మాట్లాడుతూ.. ప్రజల్లో ఆరోగ్యంపై అవగాహన పెంపొందించడంతో పాటు యువతను క్రీడలు, వ్యాయామం వైపు ప్రోత్సహించాలనే ఉద్దేశంతో త్రీకే రన్ నిర్వహించినట్లు తెలిపారు. నిత్యం కొంత సమయం వ్యాయామానికి కేటాయించడం ద్వారా ఆరోగ్యకరమైన జీవనశైలిని అలవర్చుకోవచ్చన్నారు. యువత చెడు వ్యసనాలకు దూరంగా ఉండి, ఆరోగ్యకరమైన సమాజ నిర్మాణంలో భాగస్వాములు కావాలని పిలుపునిచ్చారు.సామాజిక సేవా కార్యక్రమాలతో పాటు ప్రజల్లో ఆరోగ్య చైతన్యం తీసుకురావడానికి ఎండీఆర్ ఫౌండేషన్ నిరంతరం కృషి చేస్తుందని పృథ్వీరాజ్ తెలిపారు. కార్యక్రమంలో ఫౌండేషన్ సభ్యులు, స్థానిక ప్రజలు, యువత, విద్యార్థులు తదితరులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
