*నూతన దేవాలయాల నిర్మాణాలకు అండగా ఉంటాం: పటాన్చెరు ఎమ్మెల్యే గూడెం మహిపాల్ రెడ్డి
ప్రజా పిలుపు / తెలంగాణ / సంగారెడ్డి : జూన్ 27:ప్రజల్లో ఆధ్యాత్మిక చైతన్యం పెంపొందించే దేవాలయాల నిర్మాణం, అభివృద్ధికి ఎల్లప్పుడూ సంపూర్ణ సహకారం అందిస్తామని పటాన్చెరు ఎమ్మెల్యే గూడెం మహిపాల్ రెడ్డి పేర్కొన్నారు. అమీన్పూర్ మున్సిపాలిటీ బీరంగూడ డివిజన్ పరిధిలోని మారుతి నగర్ కాలనీలో నూతనంగా నిర్మించిన శ్రీ లక్ష్మీ గణపతి దేవాలయంలో శనివారం నిర్వహించిన విగ్రహ ప్రతిష్ఠాపన, ధ్వజస్తంభ ప్రతిష్ఠాపన మహోత్సవానికి ఆయన ముఖ్య అతిథిగా హాజరయ్యారు.ఈ సందర్భంగా ఆలయంలో ప్రత్యేక పూజలు నిర్వహించి స్వామివారిని దర్శించుకున్న ఎమ్మెల్యే, ఆలయ కమిటీ సభ్యులకు అభినందనలు తెలిపారు. అనంతరం మాట్లాడుతూ, దేవాలయాలు ప్రజల్లో ఆధ్యాత్మిక భావనను పెంపొందించడంతో పాటు సమాజంలో ఐక్యతకు ప్రతీకలుగా నిలుస్తాయని అన్నారు. మానసిక ప్రశాంతత, సుఖశాంతుల కోసం ప్రతి ఒక్కరూ దైవభక్తిని అలవర్చుకోవాలని సూచించారు. ఆలయ అభివృద్ధికి అవసరమైన సహాయ సహకారాలను అందిస్తామని హామీ ఇచ్చారు.ఈ కార్యక్రమంలో మాజీ ప్రజాప్రతినిధులు, బీఆర్ఎస్ పార్టీ సీనియర్ నాయకులు, ఆలయ కమిటీ సభ్యులు, కాలనీవాసులు, భక్తులు పెద్ద సంఖ్యలో పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
