అనారోగ్యంతో హెడ్ కానిస్టేబుల్ మృతి
మృతదేహానికి నివాళులర్పించిన జిల్లా ఎస్పీ పరితోష్ పంకజ్
ప్రజా పిలుపు / తెలంగాణ / సంగారెడ్డి : సంగారెడ్డి మహిళా పోలీసు స్టేషన్లో హెడ్ కానిస్టేబుల్గా విధులు నిర్వహిస్తున్న హరిప్రసాద్ అనారోగ్యంతో మృతి చెందారు. విషయం తెలుసుకున్న సంగారెడ్డి జిల్లా ఎస్పీ పరితోష్ పంకజ్ ఆసుపత్రికి చేరుకుని హరిప్రసాద్ మృతదేహానికి పూలమాల వేసి ఘన నివాళులర్పించారు.అనంతరం హరిప్రసాద్ కుటుంబ సభ్యులను పరామర్శించిన ఎస్పీ, వారి పరిస్థితిని అడిగి తెలుసుకున్నారు. అంత్యక్రియల నిమిత్తం కుటుంబ సభ్యులకు ఆర్థిక సహాయం అందజేశారు. పోలీసు శాఖ హరిప్రసాద్ కుటుంబానికి అన్ని విధాలుగా అండగా ఉంటుందని భరోసా ఇచ్చారు.హెడ్ కానిస్టేబుల్ హరిప్రసాద్ 1993లో ఉమ్మడి మెదక్ జిల్లాలో సివిల్ పోలీసు కానిస్టేబుల్గా పోలీసు శాఖలో నియమితులయ్యారు. అప్పటి నుంచి వివిధ ప్రాంతాల్లో విధులు నిర్వహిస్తూ విశిష్ట సేవలు అందించారు. గత నాలుగు నెలలుగా అనారోగ్యంతో బాధపడుతున్న ఆయన బుధవారం తీవ్ర అస్వస్థతకు గురికావడంతో చికిత్స నిమిత్తం సంగారెడ్డి ప్రభుత్వ ఆసుపత్రికి తరలించారు. అక్కడ వైద్యులు పరీక్షించి ఆయన మృతి చెందినట్లు నిర్ధారించారు.హరిప్రసాద్ మృతితో పోలీసు శాఖలో విషాదం నెలకొంది. సహచర పోలీసులు ఆయన సేవలను స్మరించుకుంటూ కుటుంబ సభ్యులకు ప్రగాఢ సానుభూతి తెలిపారు.ఈ కార్యక్రమంలో జిల్లా ఎస్పీతో పాటు డీఎస్పీ సత్యయ్య గౌడ్, మహిళా పోలీసు స్టేషన్ ఇన్స్పెక్టర్ మహేష్ కుమార్, డీసీఆర్బీ ఇన్స్పెక్టర్ రమేష్, జిల్లా పోలీసు సంఘం అధ్యక్షుడు జనార్ధన్, రమేష్ తదితరులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
