ఐజేయూ సంగారెడ్డి జిల్లా ఎలక్ట్రానిక్ మీడియా విభాగంలో పటాన్చెరు జర్నలిస్టులకు చోటు
*జిల్లా ప్రధాన కార్యదర్శిగా అనిల్‌కుమార్, ఎలక్ట్రానిక్ మీడియా ప్రధాన కార్యదర్శిగా చెన్న బసవేశ్వర్*. మహాసభకు ముఖ్య అతిథిగా హాజరైన ఐజేయూ రాష్ట్ర అధ్య
ప్రజా పిలుపు / తెలంగాణ / సంగారెడ్డి : తెలంగాణ యూనియన్ ఆఫ్ వర్కింగ్ జర్నలిస్ట్స్ (ఐజేయూ) సంగారెడ్డి జిల్లా నూతన కార్యవర్గాన్ని ఏకగ్రీవంగా ఎన్నుకున్నారు. గురువారం నాడు జిల్లా కేంద్రంలో ఐజేయూ జిల్లా మహాసభలు అత్యంత ఘనంగా జరిగాయి. ఈ మహాసభలో జిల్లా నూతన కార్యవర్గాన్ని ఏకగ్రీవంగా ప్రకటించారు.జిల్లా ప్రధాన కార్యదర్శిగా అనిల్‌కుమార్, ఉపాధ్యక్షునిగా శ్రీనాథ్, సంయుక్త కార్యదర్శిగా శ్రీనివాస్‌రెడ్డి ఎన్నికయ్యారు. అలాగే జిల్లా ఎలక్ట్రానిక్ మీడియా విభాగం ప్రధాన కార్యదర్శిగా చెన్న బసవేశ్వర్, సంయుక్త కార్యదర్శిగా భూపాల్‌రెడ్డి ఏకగ్రీవంగా ఎన్నికయ్యారు. ఈ మహాసభకు ఐజేయూ రాష్ట్ర అధ్యక్షుడు విరాహత్ అలీ ముఖ్య అతిథిగా హాజరై, నూతనంగా ఎన్నికైన కార్యవర్గ సభ్యులను శాలువాలతో సత్కరించి అభినందనలు తెలిపారు.జిల్లా ఎలక్ట్రానిక్ మీడియా కార్యవర్గంలో పటాన్చెరు నియోజకవర్గానికి చెందిన చెన్న బసవేశ్వర్ (ప్రధాన కార్యదర్శి), భూపాల్‌రెడ్డి (సంయుక్త కార్యదర్శి)లకు కీలక పదవులు లభించడంపై స్థానిక జర్నలిస్టులు హర్షం వ్యక్తం చేశారు. నూతన కార్యవర్గానికి పటాన్చెరు ప్రెస్ క్లబ్ సభ్యులు శుభాకాంక్షలు తెలిపారు.ఈ సందర్భంగా నూతనంగా ఎన్నికైన ప్రతినిధులు మాట్లాడుతూ... తమపై నమ్మకంతో ఇంతటి పెద్ద బాధ్యతలను అప్పగించిన రాష్ట్ర, జిల్లా ఐజేయూ నాయకత్వానికి ప్రత్యేక కృతజ్ఞతలు తెలిపారు. యూనియన్ బలోపేతానికి తమ శాయశక్తులా కృషి చేస్తామని పేర్కొన్నారు. జర్నలిస్టుల సంక్షేమం, సమస్యల పరిష్కారంతో పాటు సంఘం అభివృద్ధికి నిబద్ధతతో పనిచేస్తామని వారు స్పష్టం చేశారు.
Admin
ప్రజా పిలుపు
మరిన్ని వార్తలు
Developed By :
