జనసేన పార్టీలోకి కొండా సుస్మిత..?
రేపు జనసేన కీలక నేతలతో భేటీకి రంగం సిద్ధమైనట్లు ప్రచారం
ప్రజా పిలుపు / తెలంగాణ / వరంగల్ : తెలంగాణ రాజకీయాల్లో కొండా సుస్మిత వ్యవహారం మరోసారి ఆసక్తికరంగా మారింది. ముఖ్యమంత్రి రేవంత్‌రెడ్డిపై ఆమె చేసిన వ్యాఖ్యల నేపథ్యంలో కాంగ్రెస్‌లో రాజకీయ వేడి పెరిగిన వేళ.. సుస్మిత జనసేన పార్టీలో చేరే అవకాశం ఉందన్న ప్రచారం జోరందుకుంది.ఇటీవల సుస్మిత చేసిన వ్యాఖ్యలపై కాంగ్రెస్ నాయకత్వం తీవ్రంగా స్పందించినట్లు వార్తలు వెలువడ్డాయి. ఈ పరిణామాల నేపథ్యంలో ఆమె తదుపరి రాజకీయ అడుగుపై ఉత్కంఠ నెలకొంది. ఇప్పటికే వచ్చే ఎన్నికల్లో పరకాల నుంచి పోటీ చేస్తానని సుస్మిత ప్రకటించిన విషయం తెలిసిందే.ఈ క్రమంలో రేపు జనసేన పార్టీకి చెందిన కీలక నేతలతో సుస్మిత భేటీ కానున్నట్లు రాజకీయ వర్గాల్లో ప్రచారం జరుగుతోంది. జూబ్లీహిల్స్‌లోని ఓ కీలక నేత నివాసంలో ఈ సమావేశం జరిగే అవకాశం ఉందని సమాచారం.భేటీలో పరకాల అసెంబ్లీ టికెట్‌తో పాటు ఉమ్మడి వరంగల్ జిల్లా రాజకీయాల్లో పార్టీ పగ్గాలు అప్పగించే అంశంపై చర్చ జరిగే అవకాశం ఉందని తెలుస్తోంది. అయితే జనసేనలో సుస్మిత చేరికపై ఇప్పటివరకు అధికారిక ప్రకటన వెలువడలేదు.కాగా, పరకాల నుంచి వచ్చే ఎన్నికల్లో పోటీ చేసేందుకు సిద్ధమని సుస్మిత మార్చిలోనే ప్రకటించారు. తాజాగా కాంగ్రెస్‌లో చోటుచేసుకున్న పరిణామాలతో ఆమె రాజకీయ భవిష్యత్తుపై ఊహాగానాలు మరింత ఊపందుకున్నాయి.
Admin
ప్రజా పిలుపు
మరిన్ని వార్తలు
Developed By :
