Sunday, 08 November 2026 02:23:31 PM
నవ్య ఎక్స్‌ రోడ్డులో వెలగని వీధి దీపాలు
రాత్రివేళ ప్రయాణికులు, స్థానికులకు తప్పని ఇబ్బందులు
Date : 06 November 2026 07:08 PM
Views : 79
ప్రజా పిలుపు / తెలంగాణ / సంగారెడ్డి : అమీన్‌పూర్ సర్కిల్ పరిధిలోని నవ్య ఎక్స్‌ రోడ్డులో వీధి దీపాలు పనిచేయకపోవడంతో రాత్రివేళ ప్రయాణికులు, స్థానిక నివాసితులు తీవ్ర ఇబ్బందులు ఎదుర్కొంటున్నారు. రహదారిపై సరైన వెలుతురు లేకపోవడంతో చీకట్లు అలుముకుంటున్నాయి. దీంతో వాహనదారులకు ఎదురుగా వచ్చే వాహనాలు, రహదారిపై ఉన్న అడ్డంకులు సరిగా కనిపించక ప్రమాదాలు జరిగే ప్రమాదం ఉందని స్థానికులు ఆందోళన వ్యక్తం చేస్తున్నారు.ప్రతిరోజూ ఈ మార్గంలో రాకపోకలు సాగించే వాహనదారులు చీకటిలో ప్రయాణించాల్సి వస్తోందని వాపోతున్నారు. రాత్రివేళ ప్రమాదాలు జరగకముందే సంబంధిత అధికారులు స్పందించి, పనిచేయని వీధి దీపాలకు వెంటనే మరమ్మతులు చేపట్టాలని స్థానికులు కోరుతున్నారు. రహదారిపై తగిన వెలుతురు ఉండేలా చర్యలు తీసుకోవాలని విజ్ఞప్తి చేస్తున్నారు.
Vijay Kumar
Admin
ప్రజా పిలుపు
మరిన్ని వార్తలు
Copyright © Praja Pilupu 2026. All right Reserved.
Developed By :
Developed By :