ఓటరు జాబితా సవరణలో ప్రజలు భాగస్వాములు కావాలి: కౌన్సిలర్ గుంటుకు లక్ష్మీ శ్రీనివాస్
గజ్వేల్ 14వ వార్డులో స్పెషల్ ఇంటెన్సివ్ రివిజన్ కార్యక్రమం
ప్రజా పిలుపు / తెలంగాణ / సిద్దిపేట : గజ్వేల్–ప్రజ్ఞాపూర్ మున్సిపాలిటీ పరిధిలోని 14వ వార్డులో బూత్ నంబర్లు 140, 136, 137 పరిధిలో స్పెషల్ ఇంటెన్సివ్ రివిజన్ (ఎస్ఐఆర్) కార్యక్రమం నిర్వహించారు. మంగళవారం గుమటం సమీపంలో చేపట్టిన ఈ కార్యక్రమంలో ఓటరు జాబితాను క్షుణ్ణంగా పరిశీలించారు.ఈ సందర్భంగా కొత్త ఓటర్ల నమోదు, డూప్లికేట్ ఓట్ల గుర్తింపు, మరణించిన వారి పేర్ల తొలగింపు, చిరునామా మార్పులు వంటి అంశాలపై ప్రత్యేక దృష్టి సారించారు. అర్హులైన ప్రతి ఒక్కరూ ఓటరు జాబితాలో తమ పేరు నమోదు చేసుకోవాలని, అనర్హుల పేర్లు తొలగించే ప్రక్రియలో సహకరించాలని ప్రజలకు అవగాహన కల్పించారు.కార్యక్రమంలో భాగంగా ఇంటింటికీ వెళ్లి స్థానికులను కలిసి ఓటు హక్కు ప్రాముఖ్యతను వివరించారు. అలాగే ఎన్నికల సంఘం మార్గదర్శకాలకు అనుగుణంగా ఓటరు జాబితా సవరణకు సంబంధించిన అవసరమైన విధానాలను తెలియజేశారు.ఈ కార్యక్రమంలో 14వ వార్డు కౌన్సిలర్, బీఎల్ఏ గుంటుకు లక్ష్మీ శ్రీనివాస్తో పాటు స్థానిక ప్రజలు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
