జిన్నారంలో పోచమ్మ దేవాలయ నిర్మాణానికి ఎమ్మెల్యే జిఎంఆర్ రూ.12 లక్షల విరాళం
ప్రజా పిలుపు / తెలంగాణ / సంగారెడ్డి : ప్రజాసేవతో పాటు ఆధ్యాత్మిక కార్యక్రమాలకు తన వంతు సహకారం అందిస్తూ పటాన్చెరు ఎమ్మెల్యే గూడెం మహిపాల్ రెడ్డి (జిఎంఆర్) ముందుకు సాగుతున్నారని బీఆర్ఎస్ నాయకులు పేర్కొన్నారు. ఇందులో భాగంగా జిన్నారం మున్సిపల్ కేంద్రంలో మాల సంఘం ఆధ్వర్యంలో నిర్మిస్తున్న శ్రీశ్రీశ్రీ పోచమ్మ తల్లి దేవాలయ నిర్మాణానికి ఎమ్మెల్యే జిఎంఆర్ రూ.12 లక్షల భారీ విరాళాన్ని అందించారు.సోమవారం స్థానిక ప్రజాప్రతినిధులు, బీఆర్ఎస్ పార్టీ నాయకులు, గ్రామ ప్రజలతో కలిసి ఆలయ నిర్మాణ పనులను ఎమ్మెల్యే పరిశీలించారు. అనంతరం ఆలయ కమిటీ సభ్యులకు రూ.12 లక్షల నగదును అందజేశారు. ఈ నెల 30న నిర్వహించనున్న ప్రతిష్ఠాపన మహోత్సవాన్ని అంగరంగ వైభవంగా, భక్తిశ్రద్ధలతో నిర్వహించాలని కమిటీ సభ్యులకు సూచించారు.ఈ సందర్భంగా ఎమ్మెల్యే మాట్లాడుతూ దైవభక్తి, ఆధ్యాత్మికతతో పాటు ప్రజాసేవను తన బాధ్యతగా భావిస్తూ ముందుకు సాగుతున్నామని తెలిపారు. దేవాలయాలు కేవలం ఆధ్యాత్మిక కేంద్రాలే కాకుండా ప్రజలను ఐక్యం చేసే సామాజిక వేదికలని పేర్కొన్నారు. ఇదే ఉద్దేశంతో నియోజకవర్గ వ్యాప్తంగా సొంత నిధులతో 200కు పైగా దేవాలయాలు, మసీదులు, ఆశూర్ఖానాలు, చర్చిల నిర్మాణానికి సహకరించినట్లు తెలిపారు. రాబోయే రోజుల్లోనూ ఆధ్యాత్మిక కార్యక్రమాలకు సంపూర్ణ సహకారం అందిస్తామని హామీ ఇచ్చారు.ప్రజల సంక్షేమం, నియోజకవర్గ అభివృద్ధితో పాటు ఆధ్యాత్మిక కార్యక్రమాలకు సమాన ప్రాధాన్యత ఇస్తూ ఎమ్మెల్యే జిఎంఆర్ అందిస్తున్న సేవలు అభినందనీయమని స్థానికులు పేర్కొన్నారు.ఈ కార్యక్రమంలో జిన్నారం మున్సిపల్ చైర్మన్ జనార్ధన్, గుమ్మడిదల మున్సిపల్ చైర్మన్ కుమార్ గౌడ్, బీఆర్ఎస్ పార్టీ సీనియర్ నాయకులు వెంకటేష్ గౌడ్, బాల్ రెడ్డి, గోవర్ధన్ రెడ్డి, ఆయా వార్డుల కౌన్సిలర్లు, కోఆప్షన్ సభ్యులు, సీనియర్ నాయకులు, ఆలయ కమిటీ సభ్యులు, గ్రామ ప్రజలు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
