రాహుల్ గాంధీపై నమోదు చేసిన అక్రమ కేసును వెంటనే ఉపసంహరించాలి:కాట సుధా శ్రీనివాస్ గౌడ్*:
ప్రజా పిలుపు / తెలంగాణ / సంగారెడ్డి : ** :కాంగ్రెస్ పార్టీ అగ్రనేత రాహుల్ గాంధీపై నమోదు చేసిన అక్రమ కేసును వెంటనే ఉపసంహరించుకోవాలని సంగారెడ్డి జిల్లా మహిళా కాంగ్రెస్ అధ్యక్షురాలు కాట సుధా శ్రీనివాస్ గౌడ్ డిమాండ్ చేశారు.రాహుల్ గాంధీపై కేసు నమోదు చేయడాన్ని నిరసిస్తూ బండలగూడ గ్రామ పంచాయతీ కార్యాలయం వద్ద కాంగ్రెస్ నాయకులు, కార్యకర్తలు నిరసన కార్యక్రమం చేపట్టారు. ఈ సందర్భంగా రాహుల్ గాంధీకి మద్దతుగా నినాదాలు చేస్తూ తమ నిరసనను వ్యక్తం చేశారు. అనంతరం మహాత్మా గాంధీ విగ్రహానికి వినతిపత్రం సమర్పించారు.ఈ సందర్భంగా కాట సుధా శ్రీనివాస్ గౌడ్ మాట్లాడుతూ ప్రజా సమస్యలపై ప్రశ్నిస్తున్న రాహుల్ గాంధీని రాజకీయంగా ఎదుర్కోలేక ఆయనపై కేసులు నమోదు చేయడం ప్రజాస్వామ్య స్ఫూర్తికి విరుద్ధమని అన్నారు. ప్రజల హక్కుల కోసం ప్రశ్నించే గొంతును అణచివేయడానికి కేసులను ఉపయోగించడం సరికాదని పేర్కొన్నారు. రాహుల్ గాంధీపై నమోదు చేసిన కేసును వెంటనే ఉపసంహరించుకోవాలని ఆమె డిమాండ్ చేశారు.ప్రజాస్వామ్య హక్కులు, రాజ్యాంగ పరిరక్షణ కోసం కాంగ్రెస్ పార్టీ నిరంతరం పోరాడుతుందని కాట సుధా శ్రీనివాస్ గౌడ్ స్పష్టం చేశారు. ప్రజా సమస్యలపై కాంగ్రెస్ పార్టీ తన పోరాటాన్ని మరింత ఉధృతం చేస్తుందని తెలిపారు.
Admin
ప్రజా పిలుపు
మరిన్ని వార్తలు
Developed By :
