యూజీసీ-నెట్ పరీక్షకు 200 మీటర్ల పరిధిలో ఆంక్షలు*
ప్రజా పిలుపు / తెలంగాణ / సిద్దిపేట : * కేంద్రంలోని ఇందూర్ ఇన్స్టిట్యూట్ ఆఫ్ ఇంజినీరింగ్ అండ్ టెక్నాలజీ, పొన్నాల గ్రామంలో సెప్టెంబర్ 9, 10 తేదీల్లో నిర్వహించనున్న జాతీయ అర్హత పరీక్ష (యూజీసీ-నెట్)ను ప్రశాంతంగా, సజావుగా నిర్వహించేందుకు భారతీయ నాగరిక సురక్షాసంహిత–2023లోని సెక్షన్ 163 కింద ఆంక్షలు విధిస్తూ ఉత్తర్వులు జారీ చేసినట్లు జిల్లా కలెక్టర్ కే. హైమావతి తెలిపారు.పరీక్షా కేంద్రంలో భద్రతా ఏర్పాట్లతో పాటు అవసరమైన అన్ని ఏర్పాట్లు పూర్తి చేసినట్లు ఆమె పేర్కొన్నారు. పరీక్ష సమయంలో ఎలాంటి అవాంఛనీయ సంఘటనలు చోటుచేసుకోకుండా, పరీక్ష నిర్వహణలో ఎవరూ ఉద్దేశపూర్వకంగా జోక్యం చేసుకోకుండా ఉండేందుకు ఈ ఆంక్షలు అమలు చేస్తున్నట్లు తెలిపారు.ఉత్తర్వుల ప్రకారం పరీక్షా కేంద్రం చుట్టూ 200 మీటర్ల పరిధిలో ఐదుగురు లేదా అంతకంటే ఎక్కువ మంది ఒకచోట గుమికూడడం నిషేధం. అలాగే కర్రలు, కత్తులు, ఆయుధాలు, లాఠీలు లేదా ఇతర హానికరమైన పరికరాలను తీసుకురావడం, ప్రదర్శించడం పూర్తిగా నిషేధించినట్లు కలెక్టర్ తెలిపారు.అదేవిధంగా పరీక్షా కేంద్రానికి 200 మీటర్ల పరిధిలో ఉన్న జిరాక్స్ కేంద్రాలు, ఇంటర్నెట్ కేంద్రాలు, సైబర్ కేఫ్లు తదితరాలను పరీక్ష జరిగే రెండు రోజుల్లో మూసివేయాలని ఆదేశించారు.ఈ ఆంక్షలు సెప్టెంబర్ 9, 10 తేదీల్లో ఉదయం 6 గంటల నుంచి సాయంత్రం 7:30 గంటల వరకు లేదా పరీక్ష పూర్తయ్యే వరకు అమల్లో ఉంటాయని కలెక్టర్ స్పష్టం చేశారు.పరీక్షా నిర్వహణకు ఎలాంటి ఆటంకం కలగకుండా ప్రజలు, విద్యార్థులు, స్థానికులు అధికారులకు సహకరించాలని జిల్లా కలెక్టర్ కే. హైమావతి కోరారు.
Admin
ప్రజా పిలుపు
మరిన్ని వార్తలు
Developed By :
