నర్సాపూర్లో ఘనంగా సర్దార్ సర్వాయి పాపన్న గౌడ్ జయంతి*
విగ్రహానికి ఘన నివాళులు అర్పించిన గౌడ సంఘం నాయకులు
ప్రజా పిలుపు / తెలంగాణ / మెదక్ : * సర్దార్ సర్వాయి పాపన్న గౌడ్ 376వ జయంతి సందర్భంగా నర్సాపూర్ పట్టణంలో ఆయన విగ్రహానికి గౌడ సంఘం ఆధ్వర్యంలో ఘనంగా నివాళులు అర్పించారు. విగ్రహ వ్యవస్థాపకులు, బీజేపీ మెదక్ జిల్లా అధ్యక్షులు వాల్దాస్ రాధా మల్లేష్ గౌడ్ ఆధ్వర్యంలో ఈ కార్యక్రమం నిర్వహించారు.ఈ సందర్భంగా నాయకులు మాట్లాడుతూ.. సర్దార్ సర్వాయి పాపన్న గౌడ్ తెలంగాణ చరిత్రలో ధైర్యసాహసాలకు ప్రతీకగా నిలిచిన మహనీయుడని కొనియాడారు. ఔరంగజేబు పాలనకు, దొరల అరాచకాలకు, మొగలాయిల దౌర్జన్యాలకు ఎదురొడ్డి తెలంగాణ ప్రాంతంలో అణగారిన వర్గాల కోసం పోరాడిన ధీశాలి అని అన్నారు. బహుజన రాజ్యాధికారం, సామాజిక సమానత్వం, అణగారిన వర్గాల హక్కుల కోసం ఆయన చేసిన పోరాటం నేటి తరానికి స్ఫూర్తిదాయకమన్నారు.ధైర్యం, ఆత్మగౌరవం, ప్రజా సంక్షేమం కోసం సర్దార్ సర్వాయి పాపన్న గౌడ్ చూపిన మార్గాన్ని నేటి తరం ఆదర్శంగా తీసుకోవాలని సూచించారు. ఆయన ఆశయాలను ముందుకు తీసుకెళ్లడమే పాపన్న గౌడ్కు అందించే నిజమైన నివాళి అని పేర్కొన్నారు.ఈ కార్యక్రమంలో మెదక్ జిల్లా కాంగ్రెస్ అధ్యక్షులు ఆంజనేయులు గౌడ్, జిల్లా పరిషత్ సభ్యురాలు సుహాసిని, నర్సాపూర్ గౌడ సంఘం అధ్యక్షులు శ్రీనివాస్ గౌడ్, సీనియర్ నాయకులు చిన్న రమేష్ గౌడ్, శ్రీనివాస్ గౌడ్, శ్యామ్ సుందర్ గౌడ్, కౌన్సిలర్లు ఆంజనేయులు గౌడ్, రిజ్వాన్, శ్రీశైలం, రాధాకృష్ణ, నరేష్ గౌడ్, బీజేపీ నాయకులు ఆంజనేయులు గౌడ్, రామకృష్ణ గౌడ్, ఫారెస్ట్ బిక్షపతి గౌడ్ తదితర గౌడ సంఘం నాయకులు, పట్టణ ప్రముఖులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
