ఘనంగా మొహర్రం వేడుకలు
వెల్లివిరిసిన మత సామరస్యం
ప్రజా పిలుపు / తెలంగాణ / సంగారెడ్డి : ప్రజా పిలుపు జూన్ 26 సంగారెడ్డి జిల్లా కంది మండలం పరిధిలోని గౌడిచెర్ల గ్రామంలో మొహర్రం వేడుకలు కులమతాలకు అతీతంగా అత్యంత ఘనంగా నిర్వహించారు.గ్రామంలోని అన్ని వర్గాల ప్రజలు మతసామరస్యానికి ప్రతీకగా వేడుకల్లో ఉత్సాహంగా పాల్గొన్నారు. హిందూ,ముస్లిం సోదరులు కలిసి మొహర్రం సంప్రదాయాలను పాటిస్తూ పరస్పర సోదరభావాన్ని చాటుకున్నారు. గ్రామ ప్రజలు బీబీ పాషా, ఇమామ్ కాసిం పీర్లకు మొక్కులు చెల్లించి ప్రత్యేక ప్రార్థనలు నిర్వహించారు.ఈ సందర్భంగా గ్రామ పెద్దలు మాట్లాడుతూ, మొహర్రం వేడుకలు ప్రతి ఏడాది ఇదే విధంగా సామరస్య వాతావరణంలో నిర్వహించడం ఆనవాయితీగా కొనసాగుతోందని తెలిపారు. కులమత భేదాలకు అతీతంగా గ్రామ ప్రజలు ఐక్యతను చాటుకోవడం అభినందనీయమని పలువురు పేర్కొన్నారు.మొహర్రం వేడుకలు గ్రామంలో భక్తిశ్రద్ధలతో, శాంతియుత వాతావరణంలో ముగిశాయి.
Admin
ప్రజా పిలుపు
మరిన్ని వార్తలు
Developed By :
