నవంబర్ 15న పటాన్చెరు సాకి చెరువు వేదికగా ఛట్ పూజ వేడుకలు..ఎమ్మెల్యే జీఎంఆర్ ఆధ్వర్యంలో భారీ ఏర్పాట్లు..
ప్రముఖ భోజ్‌పురి గాయకుడు రితేష్ పాండే, గాయని కావ్య సంగీత విభావరి...ఆహ్వాన పత్రికను ఆవిష్కరించిన ఎమ్మెల్యే గూడెం మహిపాల్ రెడ్డి
ప్రజా పిలుపు / తెలంగాణ / సంగారెడ్డి : పటాన్చెరు: ఉత్తర భారతీయులు అత్యంత భక్తిశ్రద్ధలతో నిర్వహించుకునే ఛట్ పూజ వేడుకలను ఈ నెల 15వ తేదీ ఆదివారం సాయంత్రం పటాన్చెరు డివిజన్ పరిధిలోని సాకి చెరువు వేదికగా ఘనంగా నిర్వహించనున్నట్లు పటాన్చెరు ఎమ్మెల్యే గూడెం మహిపాల్ రెడ్డి (జీఎంఆర్) తెలిపారు. ఈ వేడుకలకు సంబంధించి భారీ ఏర్పాట్లు చేస్తున్నట్లు వెల్లడించారు.మంగళవారం సాయంత్రం ఎమ్మెల్యే క్యాంపు కార్యాలయంలో ఛట్ పూజ ఆహ్వాన పత్రికను ఎమ్మెల్యే జీఎంఆర్ ఆవిష్కరించారు.ఈ సందర్భంగా ఆయన మాట్లాడుతూ.. గత 15 సంవత్సరాలుగా పటాన్చెరు వేదికగా ఛట్ పూజ కార్యక్రమాన్ని ఘనంగా నిర్వహిస్తున్నట్లు తెలిపారు. పూజా కార్యక్రమాలతో పాటు తన సొంత నిధులతో భక్తులకు ఉచితంగా చెరుకును పంపిణీ చేస్తున్నట్లు పేర్కొన్నారు. ఈ ఏడాది వేడుకల్లో భాగంగా ప్రముఖ భోజ్‌పురి గాయకుడు రితేష్ పాండే, గాయని కావ్య ఆధ్వర్యంలో ప్రత్యేక సంగీత కచేరీ నిర్వహించనున్నట్లు తెలిపారు.పటాన్చెరు నియోజకవర్గ పరిధిలోని ఉత్తర భారతీయుల సంక్షేమానికి నిరంతరం అండగా నిలుస్తూ, వారి అభివృద్ధికి కృషి చేస్తున్నామని అన్నారు. తెలంగాణ ప్రజలతో సమానంగా ఇతర రాష్ట్రాల ప్రజలను కూడా ఆదరిస్తూ, వారి సంక్షేమానికి ప్రాధాన్యత ఇస్తున్నామని తెలిపారు. ఛట్ పూజ వేడుకల్లో భక్తులు, ప్రజలు పెద్ద సంఖ్యలో పాల్గొని కార్యక్రమాన్ని విజయవంతం చేయాలని ఎమ్మెల్యే జీఎంఆర్ పిలుపునిచ్చారు.ఈ కార్యక్రమంలో మార్కెట్ కమిటీ మాజీ చైర్మన్ విజయ్ కుమార్, మాజీ ఎంపీటీసీ రామచంద్రారెడ్డి, రాజు, సుధాకర్ గౌడ్, సంజయ్ సింగ్, టింకు తదితరులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
