క్యాబ్ డ్రైవర్ హత్య కేసులో ముగ్గురి అరెస్టు*
మరో ఇద్దరి కోసం పోలీసుల గాలింపు
ప్రజా పిలుపు / తెలంగాణ / సంగారెడ్డి : * క్యాబ్ డ్రైవర్ను హత్య చేసి కారును అపహరించిన కేసును పటాన్చెరు పోలీసులు ఛేదించారు. ముగ్గురు నిందితులను అరెస్టు చేయగా.. మరో ఇద్దరు పరారీలో ఉన్నారు.పోలీసుల వివరాల ప్రకారం.. సెప్టెంబరు 10, 11 తేదీల మధ్య రాత్రి ఐదుగురు నిందితులు సికింద్రాబాద్ నుంచి ముంబయికి వెళ్లాలని చెప్పి క్యాబ్ డ్రైవర్ నెలమర్రి రాజశేఖర్ కారును అద్దెకు తీసుకున్నారు. రుద్రారం గ్రామ శివారుకు చేరుకున్న తర్వాత డ్రైవర్పై దాడి చేసి టవల్తో గొంతు బిగించి హత్య చేశారు. మృతదేహాన్ని నిర్మాణంలో ఉన్న రోడ్డు పైవంతెన సమీపంలో పడేసి కారులో ముంబయి వైపు వెళ్లారు. కోహీర్ వద్ద కారు చెడిపోవడంతో గోల్డెన్ ధాబా సమీపంలో వదిలేసి జహీరాబాద్ వైపు వెళ్లారు.ముంబయిలో బంగారు దుకాణాల్లో దొంగతనాలు చేసి, అనంతరం కారును విక్రయించాలని నిందితులు పథకం వేసుకున్నట్లు పోలీసులు తెలిపారు. దర్యాప్తులో ఆధారాలు సేకరించి ఘోడకే రాహుల్ (28), సూరజ్ శశికాంత్ తావడే (29), బాంబ్లే రాజు రామచంద్ర (33)లను అరెస్టు చేశారు. వీరంతా మహారాష్ట్రకు చెందినవారు.మయూర్ రాజేంద్ర దివేకర్, శివ శంకర్ శర్మ పరారీలో ఉన్నారు. వారి కోసం ప్రత్యేక బృందాలతో గాలింపు కొనసాగుతోంది.అరెస్టయిన నిందితులను న్యాయస్థానం ముందు హాజరుపరిచారు. డీసీపీ సీహెచ్. శ్రీనివాస్, ఏసీపీ సీహెచ్వై. శ్రీనివాస్ పర్యవేక్షణలో ఇన్స్పెక్టర్ ఎం. రవీందర్ ఆధ్వర్యంలో పోలీసులు కేసును ఛేదించారు.
Admin
ప్రజా పిలుపు
మరిన్ని వార్తలు
Developed By :
