అనాథ వృద్ధుడికి కుటుంబ సభ్యులుగా నిలిచిన ఎండీఆర్ ఫౌండేషన్*
గౌరవప్రదంగా అంత్యక్రియలు నిర్వహించిన సేవా సంస్థ*
ప్రజా పిలుపు / తెలంగాణ / సంగారెడ్డి : ఇంద్రేశం మున్సిపల్ పరిధిలో రోడ్డుపై అనాథగా జీవిస్తున్న ఓ వృద్ధుడు మృతి చెందాడు. నాలుగు రోజుల క్రితం వృద్ధుడు మృతి చెందిన విషయాన్ని స్థానికులు పోలీసుల దృష్టికి తీసుకెళ్లారు. దీంతో పోలీసులు వెంటనే స్పందించి ఆయనను చికిత్స నిమిత్తం పటాన్చెరు ప్రభుత్వ ఆసుపత్రికి తరలించగా, అప్పటికే మృతి చెందినట్లు వైద్యులు నిర్ధారించారు.మృతుడికి సంబంధించిన కుటుంబ సభ్యులు, బంధువుల ఆచూకీ లభించకపోవడంతో పోలీసులు ఎండీఆర్ ఫౌండేషన్ను సంప్రదించారు. అనాథలు, నిరాశ్రయులకు అండగా నిలుస్తూ మానవతా దృక్పథంతో సేవా కార్యక్రమాలు నిర్వహిస్తున్న ఎండీఆర్ ఫౌండేషన్ ప్రతినిధులు వృద్ధుడిని తమ కుటుంబ సభ్యుడిగా భావించారు.ఈ మేరకు వృద్ధుడికి ఈరోజు గౌరవప్రదంగా అంత్యక్రియలు నిర్వహించారు. కుటుంబ సభ్యులు ఎవరూ లేని సమయంలో కూడా ఓ మనిషి చివరి ప్రయాణంలో మానవత్వం తోడుగా నిలవాలనే సంకల్పంతో ఎండీఆర్ ఫౌండేషన్ చేపట్టిన ఈ సేవా కార్యక్రమం పలువురి ప్రశంసలు అందుకుంది.అనాథలు, నిరాశ్రయుల పట్ల మానవతా దృక్పథంతో స్పందిస్తూ, వారి చివరి ప్రయాణాన్ని సైతం గౌరవప్రదంగా నిర్వహిస్తున్న ఎండీఆర్ ఫౌండేషన్ మరోసారి తన సేవా స్ఫూర్తిని చాటుకుంది.
Admin
ప్రజా పిలుపు
మరిన్ని వార్తలు
Developed By :
