పటాన్చెరు మార్కెట్ యార్డులో ఘనంగా అన్నదాన కార్యక్రమం
హాజరైన సంగారెడ్డి జిల్లా కాంగ్రెస్ మహిళా అధ్యక్షురాలు కాటా సుధారాణి
ప్రజా పిలుపు / తెలంగాణ / సంగారెడ్డి : పటాన్చెరు పట్టణంలోని మార్కెట్ యార్డులో గణేష్ నవరాత్రుల్లో భాగంగా అన్నదాన వితరణ కార్యక్రమాన్ని మార్కెట్ కమిటీ చైర్మన్ శివానందం ఆధ్వర్యంలో ఘనంగా నిర్వహించారు. ఈ కార్యక్రమానికి పటాన్చెరు కాంగ్రెస్ పార్టీ ఇన్చార్జ్ కాట శ్రీనివాస్ గౌడ్, వారి సతీమణి కాటా సుధారాణి ముఖ్య అతిథులుగా హాజరై అన్నదాన కార్యక్రమంలో పాల్గొన్నారు. ఈ సందర్భంగా వారు మాట్లాడుతూ గణేష్ నవరాత్రులను పురస్కరించుకొని అన్నదాన కార్యక్రమం నిర్వహించడం అభినందనీయమన్నారు. అన్నదానం మహాదానమని, భక్తి భావంతో చేపట్టే ఇటువంటి సేవా కార్యక్రమాలు సమాజంలో ఐక్యత, సోదరభావాన్ని పెంపొందిస్తాయని పేర్కొన్నారు. వినాయకుని ఆశీస్సులతో ప్రజలందరూ సుఖసంతోషాలతో, ఆయురారోగ్యాలతో ఉండాలని ఆకాంక్షించారు. మార్కెట్ కమిటీ చైర్మన్ శివానందం మాట్లాడుతూ తనపై నమ్మకంతో మార్కెట్ కమిటీ చైర్మన్గా పదవి బాధ్యతలు అప్పగించిన వారి నమ్మకాన్ని వమ్ము చేయకుండా పనిచేస్తానన్నారు. మార్కెట్ యార్డును అభివృద్ధి పథంలో ముందుకు తీసుకెళ్లి తెలంగాణ రాష్ట్రంలోనే ఆదర్శ మార్కెట్ యార్డుగా తీర్చిదిద్దేందుకు కృషి చేస్తానని తెలిపారు. గణేష్ నవరాత్రుల సందర్భంగా భక్తులకు అన్నదానం చేయాలనే ఉద్దేశంతో ఈ కార్యక్రమాన్ని నిర్వహించినట్లు చెప్పారు. భవిష్యత్తులోనూ ప్రజలకు, వ్యాపారులకు ఉపయోగపడే మరిన్ని అభివృద్ధి, సేవా కార్యక్రమాలను చేపడతామని స్పష్టం చేశారు.ఈ కార్యక్రమంలో కాంగ్రెస్ పార్టీ నాయకులు శశిధర్ రెడ్డి ,వడ్డే కృష్ణ,ఆదిత్య రెడ్డి,మాజీ మార్కెట్ కమిటీ చైర్మన్ పుష్ప నాగేష్ యాదవ్ ,బీరంగుట్ట దేవాలయ చైర్మన్ , సుధాకర్ యాదవ్,బండ్లగూడ మాజీ సర్పంచ్ జయమ్మ ,సంజీవ,మార్కెట్ కమిటీ సభ్యులు, కార్యకర్తలు, భక్తులు, వ్యాపారులు తదితరులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
