ముత్తంగిలో అన్నదానం, ప్రత్యేక పూజా కార్యక్రమం
ప్రజా పిలుపు / తెలంగాణ / సంగారెడ్డి : ముత్తంగి: ముత్తంగి డివిజన్ పరిధిలోని ముత్తంగి గ్రామంలో శివాజీ యూత్ అసోసియేషన్ ఆధ్వర్యంలో ఏర్పాటు చేసిన వినాయక మండపం వద్ద అన్నదాన కార్యక్రమం, ప్రత్యేక పూజలను భక్తిశ్రద్ధలతో నిర్వహించారు. కాంగ్రెస్ పార్టీ సీనియర్ నాయకులు శాపురం నరసింహారెడ్డి ఆధ్వర్యంలో ఈ కార్యక్రమాలు జరిగాయి.ఈ సందర్భంగా శాపురం నరసింహారెడ్డి కుటుంబ సభ్యులతో కలిసి గణనాథుడికి ప్రత్యేక పూజలు నిర్వహించారు. అనంతరం భక్తులకు అన్నప్రసాదాన్ని పంపిణీ చేశారు. కార్యక్రమంలో డివిజన్కు చెందిన ప్రజలు, యువత, భక్తులు పెద్ద సంఖ్యలో పాల్గొన్నారు.ఈ సందర్భంగా శాపురం నరసింహారెడ్డి మాట్లాడుతూ వినాయక చవితి ఉత్సవాలను భక్తిశ్రద్ధలతో, ప్రశాంత వాతావరణంలో నిర్వహించుకోవాలని కోరారు. ప్రజలందరూ ఐకమత్యంతో ఉత్సవాల్లో పాల్గొని విజయవంతం చేయాలని ఆకాంక్షించారు.
Admin
ప్రజా పిలుపు
మరిన్ని వార్తలు
Developed By :
