శివానగర్ లో జిల్లా పరిషత్ ప్రభుత్వ ఉన్నత పాఠశాల అదనపు తరగతి గదులను ప్రారంభించిన ఎమ్మెల్యే జిఎంఆర్
ప్రజా పిలుపు / తెలంగాణ / సంగారెడ్డి : సంగారెడ్డి జిల్లా జిన్నారం గ్రామీణ ప్రాంతాల్లో ప్రజలకు ప్రభుత్వ విద్యాసంస్థలపై నమ్మకం పెరిగేలా ఉపాధ్యాయులు, ప్రధానోపాధ్యాయులు కృషి చేయాలని పటాన్చెరు శాసన సభ్యులు గూడెం మహిపాల్ రెడ్డి అన్నారు. జిన్నారం మున్సిపల్ పరిధిలోని శివానగర్ గ్రామంలో న్యూల్యాండ్ పరిశ్రమ 60 లక్షల రూపాయల సిఎస్సార్ నిధులతో నిర్మించిన జడ్పీహెచ్ఎస్ అదనప తరగతి గదులను ఎమ్మెల్యే జిఎంఆర్ ప్రారంభించారు.ఈ సందర్భంగా ఆయన మాట్లాడుతూ ప్రభుత్వాలు ప్రభుత్వ విద్యావ్యవస్థల బలోపేతానికి కోట్లాది రూపాయలు ఖర్చు చేస్తున్న క్షేత్రస్థాయిలోని కొన్ని పాఠశాలల్లో ఆశించిన ఫలితాలు రావడంలేదని అసంతృప్తి వ్యక్తం చేశారు. శివానగర్ ప్రాథమిక, ఉన్నత పాఠశాలలో విద్యార్థుల అడ్మిషన్ల సంఖ్య అతి తక్కువగా ఉండటం పట్ల అసహనం వ్యక్తం చేశారు. ఇంటింటికి తిరిగి ప్రభుత్వ పాఠశాలలో అందిస్తున్న సౌకర్యాలను వివరించి అడ్మిషన్లను పెంచాలని ఆదేశించారు. ప్రభుత్వ పాఠశాలల అభివృద్ధి కోసం న్యూలాండ్ పరిశ్రమ అందిస్తున్న సహకారం అభినందనీయమన్నారు. అంగన్వాడి, ప్రాథమిక పాఠశాల భవనాల అభివృద్ధికి చర్యలు తీసుకుంటానని హామీ ఇచ్చారు. ఈ కార్యక్రమంలో మున్సిపల్ చైర్మన్ జనార్ధన్, వైస్ చైర్మన్ ప్రతాపరెడ్డి, స్థానిక కౌన్సిలర్ కృష్ణ, జిల్లా పరిషత్ మాజీ వైస్ చైర్మన్ ప్రభాకర్, సీనియర్ నాయకులు వెంకటేష్ గౌడ్, ఆయా వార్డుల కౌన్సిలర్లు, కోఆప్షన్ సభ్యులు, తదితరులు పాల్గొన్నారు.
Admin
ప్రజా పిలుపు
మరిన్ని వార్తలు
Developed By :
