అధైర్యపడకండి.. అండగా ఉంటాను: ఎమ్మెల్యే గూడెం మహిపాల్ రెడ్డి*
ప్రజా పిలుపు / తెలంగాణ / సంగారెడ్డి : జేపీ కాలనీ డివిజన్ పరిధిలోని బండలగూడ రైల్వే భూముల అంశంలో నిర్వాసితులు ఆందోళన చెందాల్సిన అవసరం లేదని, స్థానిక ప్రజాప్రతినిధిగా వారికి అండగా ఉంటానని పటాన్చెరు ఎమ్మెల్యే గూడెం మహిపాల్ రెడ్డి భరోసా ఇచ్చారు.సోమవారం సాయంత్రం మాజీ ఎంపీపీ యాదగిరి యాదవ్ నేతృత్వంలోని నిర్వాసితుల బృందం ఎమ్మెల్యే గూడెం మహిపాల్ రెడ్డిని కలిసి తమ సమస్యను వివరించి, న్యాయం చేయాలని కోరుతూ వినతిపత్రం అందజేశారు.ఈ సందర్భంగా ఎమ్మెల్యే మాట్లాడుతూ.. బండలగూడలో గత 50 ఏళ్లుగా గుడిసెలు ఏర్పాటు చేసుకుని నివసిస్తున్న నిరుపేదల ఇళ్లను రైల్వే భూముల పేరుతో ఖాళీ చేయాలంటూ అధికారులు నోటీసులు జారీ చేయడం సరికాదన్నారు. పేద ప్రజల సమస్యను పరిష్కరించేందుకు అన్ని విధాలుగా కృషి చేస్తానని తెలిపారు.ఈ విషయంపై సంబంధిత రైల్వే అధికారులతో చర్చిస్తానని, అవసరమైతే నిర్వాసితుల తరఫున భారీ నిరసన కార్యక్రమం చేపట్టేందుకు కూడా వెనుకాడబోమని స్పష్టం చేశారు. ఎట్టి పరిస్థితుల్లోనూ నిర్వాసితులకు న్యాయం జరిగేలా చూస్తానని ఎమ్మెల్యే హామీ ఇచ్చారు.
Admin
ప్రజా పిలుపు
మరిన్ని వార్తలు
Developed By :
