ఆరు నెలల గర్భిణీ భార్యను గొంతు నులిమి హత్య
మద్యం మత్తులో దారుణానికి పాల్పడిన భర్త.. పోలీసుల విచారణలో వెలుగులోకి నిజం
ప్రజా పిలుపు / తెలంగాణ / హైదరాబాదు : అల్వాల్ పోలీస్‌స్టేషన్ పరిధిలో దారుణ ఘటన చోటుచేసుకుంది. ఆరు నెలల గర్భిణీ అయిన భార్యను భర్త గొంతు నులిమి హత్య చేసిన ఘటన సూర్యనగర్‌లో కలకలం రేపింది.పోలీసులు తెలిపిన వివరాల ప్రకారం.. సూర్యనగర్‌కు చెందిన పరశురామ్‌కు సుమారు ఏడాది క్రితం శివానితో వివాహం జరిగింది. పరశురామ్‌ ర్యాపిడో డ్రైవర్‌గా పనిచేస్తున్నాడు. ఆదివారం రాత్రి మద్యం సేవించి ఇంటికి వచ్చిన పరశురామ్‌ భార్య శివానితో గొడవపడ్డాడు. ఈ క్రమంలో కోపోద్రిక్తుడైన అతడు ఆరు నెలల గర్భిణీ అయిన శివాని గొంతు నులిమి హత్య చేసినట్లు పోలీసులు తెలిపారు.అనంతరం శివాని బాత్రూంలో జారిపడిందని కుటుంబ సభ్యులను నమ్మించే ప్రయత్నం చేసినట్లు వెల్లడించారు. అయితే ఘటనపై అనుమానం వ్యక్తం చేసిన పోలీసులు పరశురామ్‌ను అదుపులోకి తీసుకుని విచారించగా, తానే హత్య చేసినట్లు అంగీకరించినట్లు పోలీసులు తెలిపారు.నిందితుడిపై కేసు నమోదు చేసి అదుపులోకి తీసుకున్న పోలీసులు ఘటనకు సంబంధించిన పూర్తి వివరాలపై దర్యాప్తు చేస్తున్నారు.
Admin
ప్రజా పిలుపు
మరిన్ని వార్తలు
Developed By :
